طبعًا من أكثر الامراض المنتشرة في المجتمع مريض السكر ومريض الضغط، علشان كده واجبك عليك تعرف، كيف يتعامل طبيب الاسنان مع مريض عنده ضغط دم مرتفع؟ علشان تتجنب اي مضاعفات تحصلك في العيادة، والنهارده هنناقش ال dental management of hypertension.
مين مريض الضغط أو Hypertension [HTN] patients؟
مريض الضغط هو شخص يعاني من ارتفاع ضغط الدم المزمن والشديد الذي يتسبب في زيادة ضغط الدم في الشرايين بشكل مستمر. ويتم تشخيص ارتفاع ضغط الدم عندما يتجاوز ضغط الدم الانقباضي (systolic) 140 أو ضغط الدم الانبساطي (diastolic) 90.
ويعد ارتفاع ضغط الدم المزمن عاملًا خطيرًا يزيد من خطر الإصابة بالأمراض القلبية والأوعية الدموية والجلطات الدماغية، بذالك لابد من أخد الاحتياطات اللازمة أثناء العلاج.
أول حاجة لازم نتفق عليها إن لازم يبقى عندك جهاز ضغط في العيادة ولو ديجيتال يبقى أحسن وأسهل حتى وإن كانت دقته أقل من الزئبقي لكن هيبقى أسهل في الاستخدام.
قبل ما تعرف تتعامل إزاي مع مريض الضغط، لازم تعرف هوا في اى مرحلة بالضبط، وده عن طريق إنك تقيس الصغط بنفسك في العياده أو تسأل أخر مرة قاس الضغط كان كام؟ وطبقا للرقم هتعرف هوا في اى مرحلة.
- مرحلة الـ normal بيكون الـ diastolic ما بين 80 الى 89 والـ systolic ما بين 120 الى 140.
- مرحلة الـ stage 1 HTN بيكون الـ diastolic ما بين 90 إلى 100 والـ systolic ما بين 140 إلى 160.
- مرحلة الـ stage 2 HTN بيكون الـ diastolic ازيد من أو يساوي 100 الـ systolic ازيد من أو يساوي الـ 160.
- الـ uncontrolled malignant hypertension بيكون الـ diastolic ازيد من 110 الـ systolic ازيد من أو يساوي الـ 180، ودي المرحلة اللي تعتبر خطر جدا وغالبا مش بيستجيب للعلاج.
ال dental management of hypertension!
لو المريض controlled الـ blood pressure وأقل من 90 / 140 ملي متر زئبق.
- قياس الضغط قبل البدء فى جلسة العلاج.
- راجع مع المريض التاريخ المرضي لة، من حيث التغيرات في الدواء أو ظهور مشاكل صِحية جديدة.
- إجعل جلسة العلاج قصير وفي الصباح.
- إستخدم بروتوكول تقليل الضغط مع المريض.
لو المريض uncontrolled والـ blood pressure اقل من 100 / 160 ملي متر زئبق.
- يجب مراقبة ضغط المريض أثناء العلاج من خلال جهاز BP monitoring.
- يمكن القيام بالـ emergency visit طالما أن الضغط أقل من 110 / 180.
- يجب إنهاء الجلسة فورًا إذا ارتفع ضغط الدم الي 110 / 180.
لو المريض poorly controlled الـ blood pressure اكبر من 110 / 180 ملي متر زئبق.
- لا يتم إجراء أي عمليات أسنان داخل العيادة.
- يتم إحالة المريض الى الطبيب المعالج لتقيم حالته الصحية، ولو لزم العلاج يكون داخل المستشفى.
الخلاصة؟
- لو أقل من 160 / 100: اقدر أشتغل عادي كل الشغل بتاعي من غير أى مشاكل.
- ولو أعلى من 160 / 100: أقدر أشتغل الحاجات الـ emergency، بشرط اني أقيس الضغط كل شوية وأنا شغال لان الشغل بتاعنا بيرفع الضغط أصلا.
- ولو لاقيته وصل 180 / 110، لازم أوقف شغل فورا والبيشنت يروح مستشفى.
- ولو اعلى من 180 / 110، ماقدرش اعمل اى حاجة للعيان غير لما يظبط الضغط الأول.
هل يوجد بنج أسنان مخصص للأسنان؟
- لو المريض controlled يمكن إستخدام الـ Epinephrine الذي يحتوي على vasoconstrictor معة بأمان تام، اللى هوا البنج العادي.
- لو المريض الـ uncontrolled يمكن إستخدام الـ Mepivacaine 3% ولا يحتوي على vasoconstrictor، بنج خالى من قابض الاوعية الدموية.
والحل إستخدام كربولة Epinephrine لجعل التاثير الخاصة بالتخدير يدوم لمده أطول، ثم إستمر بـ Mepivacaine إذا إحتجت.
الـ Oral manifestations الخاصة بمريض الضغط؟
- جفاف الفم أو Xerostomia.
- تضخم اللثة أو Gingival overgrowth.
- تغير في حاسة التذوق.
- ممكن يحصل drug reactions مع الـ Lichenoid لذا تجنب وصف هذة الأدوية.
إزاي تشخيص مريض الضغط، لو هوا مش عارف وانتَ شاكك إنه عنده ضغط؟
- الصداع المزمن وخاصة من الجهة الخلفية.
- نزيف أنفي.
- الدوار، الدوخة.
- ضيق التنفس.
- تغيرات في الرؤية.
- خروج دم في البول
الـ drugs interactions with hypertension patients؟
طبعا فيه ادوية ممنوع تتكتب بس معظم ادوية الاسنان عادي ملهمش علاقه مع ادوية الضغط، والقاعده بتقول مريض الضغط ماينفعش ياخد Diclofenac sodium أو potassium لانهم بيرفعوا الضغط.
المضاد الحيوي: تجنب الـ macrolids حيث انها تحتوي على calcium channel blocker وهتزود الضعظ، زي Azithromycin.
والـ dexamethasone ممنوعة، علشان الكورتيزون بيعلي ضغط الدم.
الـ penicillin والـ Clindamycim آمن علية، ممكن تكتبهم ودول اشهرهم مضادات حيوية فى طب الأسنان.
والـ analgesic: ممكن تكتب paracetamol أو ibuprofen اللى هيا (NSAID's) بس لازم نتجنب إستخدامهم لاكتر من إسبوعين.
تريكات خلى بالك منها وانت شغال لمريض ضغط؟
- ممنوع إستخدام hemostop retraction cord الذي يحتوي على vasoconstrictor لأن قدرة الامتصاص للـ VC بتكون عالية لما تحط الـ cord فى الـ gingival sulcus.
- الكمية المسموح بيها من الـ vasoconstrictor هيا 1 : 200 بمعني كربولتين بنج، ممنوع أزود عن كده، ممكن تدي واحده فيها Vasoconstrictor وبعد كده لو إحتاج بنج زود بس plan anesthesia بدون VC.
- حقنه الـ dexamethasone ممنوعه على مريض الضغط
- تجنب تغير وضع المريض بسرعه وفجأه، علشان ده بيزود الضغط.
بس كده المقاله خلصت متنساش تشارك المقال مع اصحاب، وقوله راجع معلوماتك، انا دكتور دينتيست سلام.