الدليل الشامل لسفر أطباء الأسنان للسعودية؟
مبدأيا علشان تسافر لدول الخليج وخاصة السعودية محتاج تجهر 3 حاجات قبل ما تلاقي عقد عمل الداتا فلو ودي إثبات لصحه الشهادة وامتحان البرومترك والتسجل والتصنيف وبعد كده بتقدر تمارس المنهة بشكل طبيعي.
ما هيا تكلفه إمتحان البرومترك والداتا فلو؟
الداتا فلو: وهيا عباره عن شركه اماراتيه عالميه، مهمتها التوثيق والتأكد من صحة الشهادات لمنع التلاعب والتزوير ويتم عملها مرة واحدة وسارية مدي الحياة والتكلفته 800 ريال.
امتحان البرومترك: وهو امتحان المعادله، الغرض منه قياس المعلومات الطبيه وغير الطبيه المتعلقه بتخصصك وتكلفته 1300 ريال.
التسجيل والتصنيف: وهيا عباره عن تقديم طلب من خلال منصة ممارس بلس لتسجيل لممارسيين فى المملكة وتصنيفهم في الهيئه السعودية للتخصصات الصحية وتكلفته 330 ريال.
الترخيص: تتم هذه الخطوه بعد النجاح في الاختبار وبعد الوصول بالفعل للسعوديه، ولا تتضمن اي رسوم فقط بعض الأوراق.
وفية مكاتب بتعملك الداتا فلو وحجز الامتحان وممكن تعملها انت بنفسك هتشوف فيديو على اليوتيوب وتمشي ورا الخطوات ولو مش عايز تتعب دماغك فأشهر شركات بيعملوا الكلام دة شركه كايرو فلو وشركه اكسبريس برو. وفية برضو ايجيبت فلو.
مصادر للمذاكرة لإمتحان البرومترك!
الامتحان مش صعب وسهل تنجح فية، وفية مصادر مختلفة للمذاكرة اللى هتساعدك تعدي الإمتحان قناة رفيع المقام والدرايف بتاعم الجميل المحدث بإستمرار فية تلخيصات وبنك اسئلة وحاجه جميلة ماشاء الله، وتقدر تتابعهم على التلجرام.
دكتور منار عفيفي عندنا قناة على اليوتيوب بتشرح فيها فيديوهات خاصة بالتحضير للبرومترك، حقيقي قناة مفيده جداً، حرفيا انت مش محتاج اكتر من الملف بتاع رفيق المقام وقناة اليوتيوب لدكتور منار.
دكتور احمد الفقي صاحب قناة tooth luck حرفيا شارح في القناة كل المواد اللي محتاج تذاكرها وبطريقه سهلة جدًا هتخش على البلاي ليسيت في القناة وعيش لينك القناة من هنـــــــا.
ودي خطه للمذاكرة هتخليك جاهز للامتحان في شهر ونص بس لازم تلتزم ب ساعتين ونص الى 3 ساعات يوميا مذاكرة تقدرك تشوفها من هنـــــــا.
السفر الى السعودية كـ GP؟
طبعا السفر إلى السعودية بدون تخصص يعتبر مخاطرة كبير الى حد ما، لانة غير مسموح ليك تشتغل أشياء كثيرة كطبيب أسنان.
حدودك في التعامل ك Gp!
- تعمل scaling
- الـ RCT يكون للـ Single canal فقط ممنوت الـ molar.
- التركيبات الثابتة تقدر تشتغل الـ Single unit فقط.
- الخلع بيكون anterior teeth ومتكونش remaining root.
وطبعا مفيش صاحب مركز هيخليك تشتغل اندو انتريو فقط او تنضيف جير بس، صاحب المركز محتاح فلوس وهيجبرك تشتغل باقي الشعل.
مؤخرا فى قانون إتضاف جديد إسمة privilege أو إمتياز اضافي بتديك صلاحيات إنك تشتغل حاجات خارج تخصصك وفى المقابل انت تقدر تشتغل RCT للمور وتركبيات 3 يونت والـ veener ولكن بيكون تحت إشراف الأخصائي اللى في المركز.
الإمتياز الإضافي: يتم طلبها إما من قبل طبيب أخصائي أو أخصائي استشاري وفقاً لرخصته المتخصصة في طب الأسنان، وبعد الطلب تقعد لجنه لمناقسة طلب الطبيب.
بتحتاج في التقديم شوية اوراق روتنية مثل الإقامه وصورة شخصية وهكذا، ولكن اهم شئ الدورات التدريبية سواء أونلاين او غيرها، والـ log book بحالات إنتَ إشتغلتها دي الحاجات اللي بتقوي موقفك.
الفكرة في الامتياز الإضافي مفيش مشكلة تكون gp وتشتغل تركيبات و veneers و endo molars و impaction بس هات لي ما يثبت إنك بتعرف تعمل كده، وخلى بالك الـ privilege لازم يكون مختومة من الصحه مش ختم المجمع.
وكل قسم لية إمتياز إضافي خاص بية، بمعني عايز تشتغل إندو هتقدم إمتياز اضافي على الاندو، عايز تشتغل تركيبات هتقدم إمتياز إضافي للتركيبات وهكذا باقي الأقسام.
ولكن خلى بالك قسم الارثو والامبلانت خط أحمر بمعني اي تجاوز اختصاص فيها بغرامه تجيب أجلك، وساعتها حتي لو معاك إمتياز إضافي فية هوا مش هيحميك وهتلبس.
فلو مركز بيكمك على تعاقد وانت مش أخصائي اورثو او امبلانت وقالك هتشتغل ارثوا وامبلانت واحنا في ضهرك لو حصلك أي مشكلة اهرب واعرف ان المركز ده مش تمام.
حاليا مفيش اى إستقدام للـ Gp من خارج المملكة، مفيش غير نقل كفالة، بس المكاتب بتتحايل بطرق مختلفة وتدخلك السعودية وتعملك الإقامه، طبعا الطرق غير قانونة، بس مفيهاش ضرر كبير.
مهنه طب الأسنان تم سعودتها جزئياً بنسبة الثلث كمرحلة اولى في السعودية بمعنى الطبيب السعودي بيحل محل الطبيب المغترب، ولابد من توفر 35% من الأطباء بالمركز سعودين فدة خلى الفرص قلت، ولابد من التخصص لتحصل على راتب جيد ومعيشة كويسة.
تخصصات طب الأسنان المعترف بيها فى السعودية؟
- طبيب أسنان عام: هو طبيب حصل على شهادة البكالوريوس في طب الأسنان من كلية معترف بها في بلد المنشأ.
- طبيب أسنان مقيم: طبيب أسنان حاصل على ماجستير او زمالة ولكن لم يكمل سنوات التدريب.
- طبيب أسنان نائب (أخصائي): طبيب أسنان حاصل على ماجستير او زمالة وسنوات التدريب لم تحاوزت 3 سنوات.
- طبيب أسنان استشاري: طبيب أسنان حاصل على الدكتوراه او الزمالة المصرية وسنوات التدريب تحاوزت 5 سنوات.
ماجستير الجراحه له حق الزراعه حسب المنطقة التابع ليها وحسب المفتش اللى هايمر عليك، وفيه مشكلة مع مسمي ماجستير التركيبات الثابتة مش بتقدر تتصنف أخصائي لازم تكون ثابتة ومتحركه.
إزاي أعرف الماجستير مقبول في الممكلة العربية السعودية؟
فية كام شرط لو اتحققوا في الماجستير بيعترفوا بية:-
- الشهادة معترف بها في بلد المنشأ.
- يتضمن الماجستير او الزمالة على ممارسة مهنية سريرية لمدة سنة على الأقل.
- التدريب المطلوب يتم في مراكز أو مستشفيات معترف بها في البلد مصدر الشهادة.
- وجود خطاب من المشرف على التدريب يوضح طبيعته العملية والعلمية.
والشهادات التي لا تنطبق عليها الشروط السابقة تعرض على المجلس المهني لأطباء الأسنان، ليتم تقرير ما مدي صحتها.
ماجستير حكومي: اي تخصص ماجستير هتاخدة من جامعه حكومية مصرية مقبول وهتقدر تاخد رخصة أخصائي، بشرط تكون خدت ستنين تدريب خبرة، بمعني 3 سنوات ماجستير وسنتبن تدريب.
ماجستير جامعه خاصة: لو الجامعة معترف بيها من المجلس الاعلي للجامعات، والماجستير فية الشروط اللى فوق مفيش مشكلة.
الزمالة المصرية: الزمالة المصرية مقبول وبتاخد ترخيص أخصائي لو سنوات التدريب 3 سنوات ولو 5 سنوات تقدر تاخد درجه استشاري.
الزمالة البريطانية المتخصصة: سواء m Orth أو MRD أو m pedo الممكلة معترفة بيها لو هتاخدها في مصر بس سنوات التدريب ذادت وبقت 4 سنوات،
يعني لو خلصت m Orth وسافرت علطول من غير تدريب فى مركز او مستشفى معتمد لمده 4 سنوات بترخص طبيب مقيم لحد ما تكمل التدريب وتاخد درجه أخصائي.
وممكن تكلم الهيئة العامه للتصنيف بالسعودية أونلاين وتسألهم علي الماجستير بتاعك وطبيعه الدراسة وهوا هيقولك مقبول ولا هيحتاج يدخل لجنه، موقع هيئة التصنيف بالسعودية.
متوسط راوتب أطباء الأسنان بالسعودية؟
للأمانة معظم مراكز الأسنان بالمملكة بناء على دخل الطبيب وسمعته، فممكن Gp ياخد راتب أخصائي والعكس كلة على حسب الدخل، بس دول متوسط المرتبات.
لو طبيب الأسنان Gp المرتب بيبداء من 6 الاف الى 9 الف حسب المركز، ويعتمد المرتب بشكل أساسي على الخبرة العملية للطبيب.
راتب الأخصائي المقيم يتراوح من 10 الى 16 الف ريال كحد أعلى، وفى المتوسط بيكون 13 ريال.
راتب الأخصائي النائب او النائب الأول من 16 الف ريال الى 25 الف ريال، وفى المتوسط بيكون 20 الف ريال.
راتب الاستشاري بيترواح من 25 الى 30 الف ريال وممكن يصل للـ 40 الف، على حسب التخصص والخبرة.
وخلى بالك مش كل حاجه المرتب سمعه المركز او المجمع اهم ميت مرة، وهل هوا بيقف مع الطبيب ومش بياخر مرتبات وتقدر تعرف ده من خلال إنك تسأل في جروب سمعه مراكز الأسنان بالسعودية.
وطبعا لو المجمع بيدي مراتب قليل وسمعته حلوة أفضل ميت مرة من مجمع سمعته وحشة ومرتب كبير، لما تاخد العقد وتعرف إسم المركز هتدخل على جروب سمعه مراكز الأسنان في السعودية واعرف هل المجمع بلاك ليست ولا تمام.
يوجد نظام راتب مع نسبة، تتراوح حسب الاتفاق وممكن تخفض الراتب وتعلى النسبة أو العكس تعلى الراتب وتخفض النسبة على حيب الاتفاق وتختلف كذلك من منطقة لأخرى.
وعاداً يخصم من النسبة تكلفة مواد العيادة وفاتورة معمل التركيبات وكذلك ضريبة القيمة المضافة (١٥ ٪) من إجمالي الدخل، وممكن كمان يخصم راتب الممرضه، فالأفضل راتب كبير مع نسبة قليلة.
نظام العمل السعودي لأطباء الأسنان؟
النظام الحالي هو ربط العميل بعقد العمل وليس بنظام الكفالة السابق المعمول به منذ أربعين سنة وبالتالي عقد عملك هو اللي بيربطك مع مؤسستك أو المستشفى أو المجمع والمركز وفي حال عدم الرغبة بالتكملة بتقدر تترك العمل بعد إخطار الطرق الآخر على الأقل بشهرين.
تكاليف المعيشة في السعودية؟
لو انتَ متزوج وعايز تسافر السعودية المصروفات كالتالي عندك ايجار البيت وبنزين سيارة ومصروف رسوم المرافقين حوالى 1500 ريال بالشهر زوجه وطفلين، كذلك ضريبة القيمة المضافة بكل شي، يعني تقريبا محتاج فى حدود 10 الف ريال شهريا.
هل ممكن تفتح عيادة أسنان بالسعودية؟
حاليا الشروط لحتى تفتح عيادة:-- المالك للعيادة يكون سعودي.
- يتطلب وجود استشاري بالمدن الكبرى، واخصائي بالمدن الأقل.
- وعلى الأقل ٣ أطباء بالمركز ليقدر يفتح.
وتوجد نسبة سعودة مطلوبة جديدة (بمعنى يجب أن يكون هناك عالاقل طبيب سعودي بين كل ٣ أطباء غير سعوديين) تسمى سعودة وذلك من أجل خلق فرص توظيف للأطباء السعوديين بالقطاع الخاص بسبب كثافة الخريجين وعدم توفر فرص عمل.
وأخيراً إن كنت وصلت إلى هنا وأعرتنى جزءًا من وقتك فشكراً لك، ولا تترد في إعطاء رائيك في التعليقات، انا دكتور دينتيست سلام.