تابعتا على قناة التلجرام!

معادلة طب الاسنان في استراليا!

معادلة طب الاسنان في استراليا، تعتبر من اسهل الطرق لهجرة طبيب الأسنان الى استراليا وبيتم التقديم عن طريق منظمه ADC وبتعمل إمتحان المعادلة، وبس كده.
Dr dentist

المنظمة المسؤلة عن معادلة طب الاسنان في استراليا وهيا ADA واللي الحكومه اوكلت اليها مهمه التاكد من أن الطبيب القادم من خارج أستراليا مؤهل لسوق العمل في استراليا.

ADA

وعلشان كده منظمه ADA اختصر طريق المعادلة في 3 خطوات وهيا عبارة عن التاكد من صحة الشهادات وإمتحان نظري وإمتحان عملي، وبعد النجاح تقدر تحصل على الترخيص وتمارس المهنة.

معادلة طب الاسنان في استراليا! 

المعادلة ببساطه عبارة عن 3 خطوات:- 

  • الـ initial assessment.
  • والـ Written examination 
  • والـ practical examination.

الـ initial assessment!

دي خطوه روتينيه شويه ورق مطلوب و بتبعته للـ ADC وبيتم تقيم شهادتك وبتم الرد عليك بإن المنهج الدراسي اللي خدته مطابق للمنهج بتاع الجامعات عندهم وتقدر تتدخل المعادلة.

الورق المطلوب:- 

1. شهاده التخرج 

2. بيان درجات او (transcription):- 

  • مع ذكر عدد الساعات النظري والعملي لكل مادة.
  •  ومع ذكر عدد الاسابيع الدراسية.

3. شهادة الامتياز:-

  • لو انتَ متخرج من بلد معندهاش سنة إمتياز حضرتك مش محتاج تجيبها زي سوريا.
  • ولو انتَ سوري ومتخرج من مصر لازم تجيبها، على حسب بلد التخرج.
3. تصريح مزاولة المنهة:-
  • لو انتَ طول حياتك في مصر مسافرتش برا، بتطلع تصريح مزاولة مهنة باللغة الإنجليزية موجة الى استراليا، من وزارة الصحة.
  •  ولو سافرت مثلا الامارات بعد التخرج هتحتاج تجيب تصريح مزاولة المهنة في الامارات كذالك.
4  شهادة حسن سير وسلوك:- 
  • بتطلع من النقابة، وبتطلب من النقابة تبعتها للـ ADC على الايميل (assess@adc.org.au).
5. عدد 2 خطاب توصية ويكون رسمي:-
  • بمعني الورقة بتكون ورقه A4 ومكتوبة علي الكمبيوتر مع اضافة تفاصيل العيادة من عنوان ورقم الهاتف والايميل
  •  وإسمك كامل يكون مكتوب فية شبة الباسبور بالظبط مع إضافة تاريخ الإصدار وتخصص الطبيب مع امضا الطبيب وليس ختم.
6. شهادة خبرة:- 
  • لو انت خريج جديد مبقالش سنة، فانتَ مش محتاج.
  • ولو خريج بقالك 3 سنوات وشغال في نفس المكان من وقت التخرج بتحتاج حاجه اسمها HR letter.
  • ولو خريح بقالك اكتر من خمس سنوات، بتحتاج شهادة خبرة في اخر خمس سنوات من مسيرتك المهنية.

 اي ورقه من الورق ده طالعه باللغة الإنجليزية وعليها ختم المؤسسة اللي صادرة منها كشهاده التخرج عليها ختم العميد وشهادة الخبرة عليها ختم المستشفى، حضرتك مش محتاح توثقها لا من خارجيه ولا من السفارة.

ولو الورقة طالعة باللغه العربيه هتحتاج تترجمها ترجمة معتمدة، ممكن أونلاين او فية مكاتب في مصر وتوثقها من السفارة.

خطوات التقديم في الـ initial assessment:-

1. هتخش على موفع ADC وتعمل اكونت.

2. هتحتاج صورة من الباسبور وعدد 2 صورة شخصية، زمان كان لازم الصور والباسبور متوثقين دلوقتي موضوع التوثيق اتلغي وتقدر تراسل ADC وتتاكد منهم.

3. هتبدأ ترفع الورق اللي احنا جيبنها فوق من شهادة تخرج وامتياز وخبرة ... الخ وبتدفع رسوم الخطوة دي وبتكون $647 دولار استرالي وهتستنا الرد.

4. غالبا الرد بيكون بعد فترة ما بين 4 شهور الى 6 شهور:-

  • وغالبا الرد بيكون إن ورقك كامل وانتَ مؤهل إنك تدخل الامتحان وتقدر تدخل الامتحان النظري.
  • ولو ورقك ناقص بيردو عليك ويقولوا ليك اي اللي ناقص علشان تكملة وتبعتة بدون اي مصاريف زيادة بس في خلال سنة واحده فقط، لو اتاخرت لأي سبب كان اكتر من سنه هتحتاج تدفع $647 دولار استرالي تاني.

وملاحظة الورق بيترفع على الموقع فقط مش محتاج تبعته بريد بال DHL، وكده الخطوه الاول خلصت وندخل على الامتحان النظري.

Australia dental counsel

الـ Written examination!

مش محتاج إمتحان لغة لحد ما تخلص المعادلة، بيكون مطلوب منك بعد ما تخلص المعادلة، إمتحان اللغة.

الامتحان بيتعمل في مصر وتقدر تمتحنة عادي من هنا وبيكون مرتين في السنة فى مارس وفي سبتمبر.

وبيكون نظري ومتضمن جميع فروع طب الأسنان كلها مش بيكون deep أووي المعلومات كلها بتكون shallow والاسئلة معظمها بتكون في الاتجاه العملي.

الامتحان بيكون عبارة عن أربعه ورقات على يومين، كل يوم ورقتين وفية استراحة بين الورقه والتانيه ساعتين، كل ورقه فيها 70 سؤال لمده ساعتين.

تكلفة امتحان بارت 1 بتكون $2,122 دولار استرالي والمذاكرة للبارت 1 هتحتاج 6 شهور اقل شئ، وممكن تزيد كل واحد وقدرة على المذاكرة وهوا متفرغ قد اي في اليوم.

الامتحان مؤخرا بقا نسبة النجاح فية بقا قليلة وده بسبب ال over flow بتاع الناس علي استراليا، وناس بتخش الامتحان من غير مذاكرة، بس الامتحان مش مستحيل النجاح فية.

زمان كان الاسئلة بتكرر وكان سهل جدًا النجاح من غير كورس بس دلوقتي الوضع اختلف والاسئلة بقت صعبة شوية وهتحتاج تاخد كورس.

ولو لقدر الله منجحتش في الإمتحان لأي سبب كان تقدر تعيده تاني، وملكش عدد محاولات محدد براحتك في الجزء ده، بس خطوة الـ initial assessment بتحتاج تتجدد كل 7 سنوات.

Australia dental counsel

الـ practical examination!

ليك 3 سنوات بعد إختبار النظري تمتحن فيهم العملي، ولو اتأخر لأي سبب كان هتحتاج تعيد الاختبار النظري، وملكش عدد محاولات محدد في الامتحان.

الامتحان مش بيتعمل غير في استراليا فى مكتب ال ADC وبتعمل اكتر من مرة في سنة ممكن يتعمل مرتين في الاسبوع وممكن توصل 3 مرات في الاسبوع.

لازم ولابد تاخد كورس للبارت 2، والكورس بيكون في استراليا او الهند وبعد الكورس لازم تشتري ماتريال للتدريب وترجع بلدك تتدرب لمده 4 شهور اقل شئ، ده لو عايز تنجح من أول مرة.

الامتحان بيكون عبارة عن يومين وعدد المتقدمين للامتحان بيكون 24 بينقسموا 12 واحد و 12 واحد كل مجموعه بتمتحن يوم مخلتف ويبدلو اليوم التاني.


اول يوم: وبيكون عبارة عن 7 تاسك وبيكون عبارة عن امتحان تكنيكال بيقيس مهاراتك فى الشغل العملي وبيكون على منيكان بأسنان شبة الاسنان الطبيعية، مبتكونش اكريل، والامتحان بيكون:-

  1. Crown preparation 
  2. Amalgam build up
  3. Compsite build up 
  4. Temporary crawn 
  5. Carries cavity preparation for Compsite filling 
  6. Endo access for molar

ومدة الامتحان بتكون حوالي 6 ساعات وبيكون فية بريك 45 دقيقه تقريبًا.


اليوم التاني: وبيكون عبارة عن 10 تاسك عبارة عن مهارات تواصل مع المريض و skilled assessment.

مهارات تواصل بتكون عبارة عن 4 اوض بيقيس مهارات التواصل:-

  •  بيدخل معاك 2 واحد بيمثل إنه المريض والتاني بيكون المشرف علشان يقيمك ويصلحك الخطأ لو انت أخطأت.
  • وبيكون فية حالة ومعاك خطه علاج ومطلوب منك إنك تناقش مع الحالة خطه العلاج في 10 دقائق.

الـ Skilled assessment:- 

بتكون عبارة عن 6 اوض بيقيس المهارات التالية:- 

  • Anathesia 
  • Rubber dam 
  • Extraction 
  • Root planning 
  • Fissures seal

تكلفة الامتحان بتكون $4,775 دولار استرالي ولازم تاخد كورس والكورس موجود في الهند وأستراليا فقط وتكلفة الكورس بتكون 5800 دولار استرالي.


كورسات المعادلة الاسترالية.

للاسف مفيش كورسات في مصر تؤهل إنك تدخل الامتحان، فية كورسات أونلاين كويسة جدا للبارت 1 منهم أكاديمية مصرية في استراليا وأكاديمية هندية في الهند وفيه أكاديمية تانية في استراليا في ميل بورن كويسة برضو.

كورسات البارت 2 دي لابد من الحضور سواء في استراليا او الهند ومده الكورس بتكون في حدود 40 الى 60 يوم، وبعد الكورس بتجيب ماتريال التدريب وترجع بلدك تتدرب علشان تكون مؤهل للإمتحان.

مصادر للمذاكرة للمعادلة وكتب المعادلة!

كتب للمذاكرة المعادلة الاسترالية:- 

  • Odell
  • Therapeutic guidelines
  • Atlas of operative dentistry
  • diagnostic picture test in oral medicine
  • diagnostic picture test in paediatric dentistry
  • clinical problem solving (CPS) in prostho, endo, perio and ortho pedo.
ودي قناة تلجرام هتفيدك في المذاكرة للبارت 1، عليها تلخيصات ومصادر للمذاكرة كويسة جدًا، وده لينك على موقع one drive فية مصادر ممكن تفيدك في المذاكرة.


تكلفة معادلة طب الاسنان في استراليا!

تكلفة معادلة طب الاسنان في استراليا بتتراوح ما بين 30 الى 50 الف دولار استرالي كل واحد ونظام حياته، وبتقسم كالتالي:- 

  • تكلفة إستخراج الورق.
  • تكلفة الامتحانات.
  • تكلفة الطيران والإقامه والفندق والانتقالات للكورس ولامتحان بارت 2.
  • تكلفة الكورس.
  • تكلفة ماتريال التدريب اللي ممكن تكون اغلا من الكورس نفسة.
واخيرًا اوعي تسترخص في الكورسات او المذاكرة او الماتريال اللي هتتدرب عليها، علشان تكلفة إعاده الإمتحان مش قليلة.


ماذا بعد النجاح في إمتحان المعادلة الاسترالية لطب الأسنان! 

مطلوب منك النجاح في إمتحان اللغة الانجليزية، علشان الترخيص واللي بتاخده من منظمة اسمها ال ABRA وعلشان الهجرة، وعندك إختيارين وهما:- 

  • اختبار PTE وتجيب 65.
  • واختبار ILETS academy وتجيب درجه 6.5.

وبعد ما بتجح بتقدم على ترخيص اونلاين لمنظمة الـ AHBRA:-

  • نفس الورق بتاع ال initial assessment هتقدمه لل AHBRA. 
  • مع ورقه international police clearance، دي ورقه وي فيش جنائي بيطلع من جهة دولية وبتدفع 170 دولار عن كل بلد عيشت فيها اكتر 6 شهور والجهة الدوليه دي بتبعت لل AHBRA تقولهم ان الشخص ده سليم معلهوش احكام جنائية.
  • ال ADC بتبعت الشهادة بتاعتك للـ AHBRA كمان. 
  • وبتطلب من إدارة إمتحان PTE تبعت نسخه من الامتحان للـ AHBRA.
وبعد كده المنظمة بتراجع الورق وبتصدر الترخيص، وتبدأ تدور على حد عارض شغل fresh graded ومعاه Sponsorship Visa اللى هيا فيزا 494.

وبعد ما تتقبل صاحب الشغل بيقدملك على الفيزا وهتستنا حوالي من 45 يوم الى 3 شهور وبتطلع الفيزا ومرحبا بك في استراليا.


التأشيرات ودخول استراليا!

فيزا 494 اللي هيا employer sponsor visa:- 

  •  يعني واحد عنده عياده ومحتاج دكاترة أسنان بيطلب من الحكومه إنه هيا تديلة فيزا علشان يجيب طبيب أسنان مرخص من برا.
  • وبتاخد 3 شهور بس ودي اسرع فيزا للسف، وبعد ٣ سنين من حقكك تاخد الاقامه الدائمه وليك تعليم ببلاش وتامين صحي.
  • ولو حسيت انك مش مرتاح في الشغل او صاحب الشغل مش كويس بتقدر تتكلم مع صاحب الشغل وبعد الاتفاق بيلغي الفيزا من عنده والحكومه بتديك 3 شهور تتدور فيهم علي شعل عند شخص تاني وتعمل فيزا تاني.

فيزا 491:-

  • بتكون ان ولاية عندها عجز في اطباء الاسنان فبتجيب اطباء أسنان تبع الولاية كلها مش تبع شخص معين.
  •  والفرق بينها وبين التانية التعليم مش ببلاش والتامين الصحي كذالك ميزتها انت مش مرتبط بمكان واحد يعني انتَ تقدر تشتغل في اي حته في الولاية.
  • التامين الصحي مش بيكون مهم غير في حالات الولاده فقط او ال emergency فقط، باقي الخدمات الطبية امرها سهل.

فيزا 482:-

  • اوحش نوع فيزا ولية عيوب كتير وبتكون عبارة عن إن صاحب الشغل بيعملك الفيزا دي.
  • وميزتها الوحيد ان لو انت شغال مع مكان محترم جدا ممكن يقدملك علي اقامه دائمه بعد 6 شهور.

فيزا السياحة:-

  •  بتقدم عليها علشان الامتحان وعلشان الكورس وممكن تترفض وممكن تتقبل انت وحظك ووضعك المالي والباسبور بتاعك برضو فية سفريات قبل كده ولا لاء.

احسن نوع فيزا تقدر تتدخل بيه استراليا كطبيب أسنان وهيا فيزا 494 اللي فيزا Sponsorship Visa.

أسئلة شائعه عن معادلة طب الاسنان في استراليا!

طبعا كلها عندنا اسئلة في بالنا بعد ما عرفنا طريق المعادلة، وده بعض الأسئلة اللي كذا من حد من الزملاء استفتر عليها، لو انتَ كمان عندك استفار ممكن تكتبة في قسم التعليقات وانا هارد علية في اقرب وقت.

 كم راتب طبيب الاسنان في استراليا ؟

راتب طبيب الأسنان في استراليا، الراتب بيكون حسب النسبة زي شغل مصر، لو اشتغلت حالات كتير هتاخد فلوس اكتر وهكذا.

بس في المجمل الراتب مش هيقل عن 90 الف في السنة وممكن يوصل ل 200 الف وقد تزيد كل واحد وشغله.

مستوي المعيشة في استراليا ؟

معيشة لاسرة 4 أفراد، معيشة فوق متوسطة ممكن يكلف فى حدود 5 تلاف دولار استرالي، يعني مثلا السكن 2500 دولار و 200 كهربا 50 ميا و100 نت و الاكل مثلا 2000 دولار استرالي.

Live on Australia

لو عايز تبقا أخصائي اسنان في استراليا! 

مفيش اي شهادة من برا استراليا، معترف بيها في استراليا حتي لو واخدها من اي بلد في العالم، طول ما انتَ ما خدتش التخصص بتاعك من استراليا مستحيل تكون أخصائي في أستراليا.

الحالة الوحيده اللي ممكن تعترف بيها كاخصائي اللي هيا تكون واخد زمالة بريطانيا سواء بقا m Orth أو MRD وواخد الامتحان بتاعها في استراليا فقط لا غير. 

التخصص في استراليا؟

بتقدم على برنامج master Degree في استراليا وبيكون عبارة عن 3 سنوات وتكون متفرغ تمامًا والسنه الواحده بتبدأ في حدود 30 الف دولار استرالي.

وعلشان تكون أخصائي maxilo-facial surgery محتاح تكون double qualifications بمعني تكون مرخض كطبيب بشري وطبيب أسنان.

والتكلفة بتتغير على حسب معاك الجامعه ونوع الإقامه والجنسية وتقدر تاخد قرض للدراسة ولو معاك إقامة دائمه بيكون الفؤائد قليلة.


التأمين ضد الاخطاء وحدودك في التعامل كـ GP في استراليا!

فية تامين طبي بيتعمل ضد الأخطاء وبيكون على حسب شغلك، سواء بتشتغل امبلانت او اورثو وهكذا كل طبيب لية تأمين على حسب الحالات اللي ناوي يشتغلها.

ومفيش حدود كشغل الخليج، اللي تعرف تشتغلة إعمل بس لو حصل مشكلة والمريض إشتكي في التأمين الطبي حضرتك هتكون ملزم بالرد على السؤال انتَ إزاي مؤهل للشغل ده! سواء ارثو او امبلانت  أو سيرجي 

وبتبداء تجاوب على السؤال، اخد كورسات من خارج أستراليا ومعايا شهادة بكده، وإشتغلت 50 حالة اورثو مثلا وده Log book بالحالات، لو فعلا طلع انك مؤهل التأمين الطبي بيدفع عنك.

هل اقدر أشتغل مساعد طبيب أسنان!

لو انت مقيم ب أستراليا ستراليا سواء بقا لجوء او اقامه تبع الزوج تقدر تشتغل dental assistant لحد ما تعمل المعادله اما لو انت خارج أستراليا مستحيل تاخد فيزا Sponsorship علشان تشتغل ك dental assistant.

هل لو انا معايا ORE اقدر اشتغل في استراليا من غير معادلة!

قولاً واحدا لاء، وفية بعض الحالات اللي ممكن تشتغل فيهم في استراليا بدون معادلة حالات استثنائية:- 
  • لو انت مخلص معادلة نيوزيلندا.
  • لو اتخرجت من جامعه بريطانيا واشتغلت في بريطانيا سنة ممكن تشتغل في استراليا بعد شوية إجراءات ورقية فقط.

مواضيع قد تهمك!

وفي النهايه اهم نصيحة لو انتَ ناوي على الهجرة أبدا دلوقتي، ومتأجلش الموضوع لان كل ما تتأخر كل ما مسؤولياتك تزيد كل ما كان صعب التحضير للمعادلة، واخيرًا لو وصلت إلى هنا وأعرتنى جزءًا من وقتك فشكرا ليك، انا دكتور دينتيست سلام.

Cookie Consent
We serve cookies on this site to analyze traffic, remember your preferences, and optimize your experience.
Oops!
It seems there is something wrong with your internet connection. Please connect to the internet and start browsing again.
AdBlock Detected!
We have detected that you are using adblocking plugin in your browser.
The revenue we earn by the advertisements is used to manage this website, we request you to whitelist our website in your adblocking plugin.
Site is Blocked
Sorry! This site is not available in your country.