اجراءات القيد بالنقابة العامة لأطباء الأسنان لخريجين الجامعات الحكومية.
عشان تشتغل وتمارس طب الأسنان بشكل قانونى، حضرتك محتاج مستندين، المستند الاول هو كارنيه النقابة العامة لاطباء الاسنان والتاني هو ترخيص مزاولة المهنة. كل مستند منهم بيكون له اوراق هنتكلم عنها بالتفصيل.
طيب فترة القيد "فترة التقديم لإستلام كارنية النقابة وترخيص مزاولة المهنة" بإذن الله بتبدأ يوم 15 نوفمبر لحد 14 مارس، 6 شهور النقابة بتقبل فيهم الملفات لإستخراج كارنية النقابة، فإنتَ معاك وقت علشان لو ورقكك مش جاهز، فمتقلقش.
إحنا محتاجين مستندين واحد للنقابة وواحد لوزارة الصحة، كل مستند منهم مطلوب لبعض الاوراق خلينا نعرفها كده مع حضراتكم.
اولا إحنا عندنا اربع انواع من الخريجين:-
- خريج من جامعة حكومية.
- خريج من جامعة خاصة مصرية.
- خريج من جامعة خاصة اجنبية او من جامعة اجنبية.
- الغير مصريين.
فى المقال هنتكلم عن كل ما يخص جريج الجامعه الحكومية المصري، ولو انتَ خريج جامعه خاصة او اجنبية او غير مصري إضغط على انت خريج جامعه اي وهتروح للمقال الخاصة بالتقديم بتاعك.
التقديم فى النقابة العامة لاطباء الاسنان.
طبعًا وبدبهياً لازم تكون طلعت شهادة التخرج وشهادة الإمتياز علشان تعرف تقدم، التقديم بيكون فى النقابة العامة لأطباء الأسنان وعنوانها (6 شارع الحديقة - جاردن سیتی - خلف دار الحكمة) وممكن تقدم فى النفابة الفرعية فى محافظتك، الموضع سهل وخطوات بسيطه إنشاء اللة:-
1- صحيفة الحالة الجنائية.
مختفش من الاسم اللى فوق، دة الفيش والتشبيه، بيطلع من مركز الشرطه التابع ليك، بتروح تقولة عايز أعمل فيش موجهه للنقابة العامه لاطباء الأسنان، لازم يكون موجهه للنقابة لو مكنش مكتوب فية موجهه للنقابة العامه لاطباء الاسنان النقابة مش هتقبلة.
ولازم الفيش يكون سارى، هوا بيكون ساري 3 شهور، وبتعملة فى يوم وبتروح تستلمه تاني يوم، وممكن تعملة مستعجل وتاخده فى نفس اليوم بس هتدفع فلوس رسوم أكتر.
2- طباعة نموذج التسجيل.
يتم الدخول علي موقع النقابة من الرابط التالـــــــــــــــــــــــــــى
وإضافه بياناتك من الاسم والرقم القومي وتاريخ الميلاد .... الخ.
مع "صورة الرقم القومي وجه أمامي - صورة الرقم القومي وجه خلفي - صورة شهادة التخرج - صورة شهادة الامتياز - صورة شهادة الميلاد - صورة صحيفة الحالة الجنائية - صورة شخصية رسمية بخلفية بيضاء" كل هذة الوثائق ممكن تكون بصيغة pdf أو png أو jpg ما عدا الصورة الشخصية تكون بإحدي الضيغ التالية jpg - png - gif.
بعد ما بيتم ادخال البيانات والوثائق، بيظهر نموذج القيد الخاص بيك، بيتم طباعته والتقديم بية فى النقابة، يفضل إنك تسجل من خلال لاب توب تجنباً للمشاكل.
3- صورة موقف من التجنيد أو شهادة لمن يهمة الأمر"للذكور".
النقابة عايز تعرف موقفك من التجنيد اى؟ فإنتَ واحد من الـ3 دول:
- يا واخد إعفاء وطلعت الشهادة، بتقدم بصورة من الاعفا وخلاص.
- يا ليك جيش ومشيت فى الإجراءات وكشف طبي وخدت الـ 110 فهتقدم بيها.
- يا ليك جيش بس لسا مدلختش كشف طبى ومخدتش الـ 110 فبتطلع حاجه إسمها شهادة لمن يهمه الأمر بتبين موقفك من التجنيد.
الشهادة دي، بتطلع من مكتب التجنيد فى مديريه الامن التابعه ليك بتطلع في خمس دقايق وبيكون مطلوب منك:
- شهاده التخرج وصورة منها .
- شهاده الامتياز وصورة منها .
- شهاده الميلاد وصورة منها.
- البطاقه وصورة منها.
فى مراكز بتذود دول فخدهم معاك احتياطى:-
- صوره شخصيه ٤ × ٦ خلفية بيضاء.
- بطاقه ٧ جند أو ٦ جند وصورة منها، ولو مش معاك ممكن تطلعا من منطقه التجنيد.
كل حاجه يكون معاك الاصل والصورة والظابط اللى بيطلع الورق بياخد الصور ويطلع على الاصل ويرجعهولك، والرسوم بتاعت الشهادة بتكون 30ج.
- وبرضو لو إنتَ واخد إعفاء ومطلعتش الشهادة ممكن تجيب شهادة لمن يهمة الأمر من مكتب التجنيد، لحد ما تقدم على الشهادة براحتك.
4- اصل شهادة التخرج.
أصل وليس صورة، خلى بالك.
5- أصل شهادة الإمتياز.
أصل وليس صورة، خلى بالك.
6- أصل شهادة الميلاد.
أصل وليس صورة، ويفضل تكون حديثه وموجود بيها الرقم الثلاثى.
7- صورة بطاقة الرقم القومي.
يجب أن تكون البطاقة سارية، ميهنمناش البطاقه مكتوب فى الوظيفه إى، طالب او طبيب إمتياز أو بكالوريوس أسنان مش هتفرق، اهم حاجه تكون سارية.
بس البطاقه لو مكتوب فيها طبيب أسنان مش هتفع يعني بتاع السجل المدني وانت بتطلع بطاقه فى الإمتياز كتب طبيب اسنان بدل من طبيب امتياز اسنان، كده هتحتاج تغيرها.
تغير البطاقه سهل وممكن تتطلعها فوري لو مستعجل بتاخد شهادة التخرج وشهاده الإمتياز وصورة منهم، وبتطلع تاخد إستمارة من السجل والموظف بيطلع على الشهادة وبيطلع البطاقه وبيكتب المسمي الوظيفي بكالوريوس طب الفم وجراحه الأسنان
8- عدد 2 صورة شخصية 4 × 6 خلفية بيضاء.
9- تقديم الأوراق بالنقابة ومن ينوب عنك.
يتم تقدم هذة الأوراق من الطبيب نفسة، أو من ينوب عنة بتوكيل رسمي موثق بالشهر العقاري، وتكون صيغه كالتالي:
- توكيل (لفلان) أن ينوب عني في التعامل مع النقابة العامة لاطباء الاسنان ووزارة الصحة وإدارة التراخيص.
لو إنت مسافر ممكن تعمله من عندك وتبعت DHL بس أصل.
10- رسوم التقديم بالنقابة.
رسوم التقديم بالنقابة بالنسبة للخريجين المصريين من الجامعات الحكومية، بتكون 850 جنيها مصرياً، وبتاخد إيصال إنك دفعت تقدم بية على ترخيص مزاولة المهنة.
التقديم فى وزارة الصحة للحصول على ترخيص مزاولة المهنة.
بعد ما قدمت فى النقابة بتطلع على وزارة الصحة علشان تطلع ترخيص مزاولة المهنة وترجع بنسخة منه للنقابة، والاوراق بتاعته بتكون:-
1- طلب ترخيص مزاولة المهنة - نموذج صحه (13).
ده نموذج بتستلمة من ووزارة الصحه وانت بتقدم على الترخيص وبتملاة وانتَ هناك.
2- صورة بطاقة الرقم القومى.
3- صورة شهادة الميلاد.
4- أصل شهادة التخرج.
5- أصل شهادة الأمتياز.
6- عدد 2 صورة فوتوغرافية 6X4 حديثة.
7- صورة موقف التجنيد للذكور.
نموذج 110 أو شهادة لمن يهمه الأمر أو شهادة الاعفاء زى ما قولنا فوق، صورة وليس أصل.
8- إيصال اشتراك النقابة.
بعد ما بتقدم في النقابة بتاخد إيصال إنك دفت الرسوم بتاعت النقابة، فبتقدم الوصل ده فى وزارة الصحه وانتَ بتقدم على الترخيص.
9- رسوم استخراج ترخيص مزاولة المهنة.
الرسوم تقريبا مش اكيد 200ج، هاتأكد وهاعدل المعلومة.
ملاحظه هام جدًا.
بعد ما بتخلص وتسليم ترخيص مزاولة المهنة، بيكون معاك 3 نسخ فية نسخه منهم لازم ترجع بيها للنقابة علشان أستكمال إجراءات إستخراج الكارنيه، ولو مرجتش بالترخيص دة للنقابة ورقكك هيتركن ومش هيتكمل.
الورق دي متطلبات التقديم بالنقابة مختصرة.
جوده عالية من هنـــــــــــــــــــــــــــا
اسئلة شائعه!
س: هل ينفع اقدم في نقابة فرعية؟
نعم بينفع عادي بنفس الورق بتفس كل حاجة، وكمان بتقدم لترخيص مزاولة المهنه فى النقابة الفرعية وهيا بتلخص الورق مع وزارة الصحة وبتطلع الترخيص، والافضل تواصل مع النقابة الفرعية قبل ما تروح واتأكد منهم على النقطة دي.
س: النقابة فاتحه وبتستقبل الأوراق من الساعة كام؟
يتم قبول الملفات من جميع الأطباء من الساعة 10 صباحاً وحتي الساعة 1:30 ظهرًا، وذالك طوال أيام الأسبوع ما عدا يوم الجمعة والسبت.
س: هوا انا هاحتاج كام اصل لشهادة التخرج وأنا باقدم؟
بتحتاح 2 اصل من شهاده التخرج و 2 اصل من شهادة الإمتياز.
س:لو الموقع علق معايا وأنا باسجل وجيت أسجل تاني قالى الرقم القومى مسجل بالفعل تعمل اي!
بعد التسجيل و تقديم الاوراق لو الموقع علق و قفل معاك، مفيش مشكلة، متحاولش تسجل تاني لان الموقع هيقولك انك مسجل قبل كده بالفعل، قدامك حلين:-
- اما تبعت لمندوب الدفعه المكلف من النقابة الرقم القومي بتاعك و هيبعتلك إيميل بطلب التسجيل اللي هتطبعه.
- تروح النقابه و أستاذ محمود اللى بيستلم الورق منك هيطبعهولك مفيش مشكلة.
==================================================
وبس كدة الورق بيتراجع وفى خلال من 3 أسابيع الى شهر وبيطلع الكارنية وحضرتك بتتبلغ بالمعياد بتاع إستلامه، والإستلام بيكون من الطبيب نفسة علشان بتحلف القسم وانتَ بتسلم الكارنيه، وبالتوفيق يا دكاترة.