تابعتا على قناة التلجرام!

مريض شال الغدة تتعامل معاة إزاى؟

Dr dentist

  لو مريض جالي العيادة وهو شايل الغدة الدرقية "Thyroidectomy" هتعامل معاه إزاى! وهاديلة بنج نوعة اى! وأخاف من اى وانا شغال! كل ده هنعرفة في ال dental management of Thyroidectomy 

Dental management of thyroidectomy patients
مبدأيا أول سؤال تسألة للمريض بعد ما يقولك إنة شايل الغدة، هوا انت شلتها ليه! علشان بحسب جوابة هتحدد تتعامل معاة إزاى! وعندك تلت إجابات:- 
  • ورم فى الغدة.
  • إضطراب فى الهرمونات.
  • أو المريض مش عارف هوا شالها لية.
دول التلات إجابات اللي هتقابلهم، ووممكن تسأل كان عندك ورم فى الغدة! وتختصر الطريق عليك وعلية، واعرف منه إذا كان منتظم على الدوا ولا لاء!

وهتلاقي المريض دة طبيبه البشري إداله العلاج المناسب بعد العملية واللي يشمل هرمون خارجي لأنه شال الغدة فبالتالي محتاج الهرمون يدخل جسمه بقدر سليم مناسب لحالته، وإسمة Levo-thyroxine أشهر اسم تجاري له هو Eltroxin.

لو المريض قالك إنة شال الغدة بسبب ورم هتتعامل إزاى!

هتتعامل مع المريض دة على إنة مريض  Hyperthyroidism وكنت شرحت بالتفصيل إزاى تمانج الحالة فى مقال سابق، بس اختصار المريض ياخد بنج بدون قابض للأوعية VC وبالأخص Adrenaline، فلازم البنج بتاعي يكون Plain Anathesia اللي هي الكربولة الحمرا. 

لأنه لو خد بنج فيه أدرينالين ممكن يحصله Thyroid Crisis لا قدر الله ويموت المريض.  بص آخر المقالة دي "الـ thyroid crisis"

طاب لية اعاملة كمريض Hyperthyroidism!
لأن بعض حالات إستئصال الغدة اللي بتكون نتيجة ورم "neoplasm" الطبيب البشري ممكن يمشي المريض على جرعة زيادة من الهرمون الخارجي عشان يعمل وقف كامل لافراز الهرمون من أي بقايا خلايا ممكن تكون لسه موجودة داخل جسم المريض بعد الاستئصال فيتجنب حدوث أي Recurrence للورم دا.

لو المريض شال الغدة بسبب إن إضطراب فى الهرمون!

مبدأيا لازم أبقا عارف إن المريض هيجيلي عيادة الأسنان بعد ما تكون حالته مستقرة وطبيبه البشري إداله العلاج المناسب بعد العملية والجرعة المناسبة.

فإنتَ تعرف منة هوا منتظم على الجرعة ولا لاء! لو منتظم تمام عامله كمريض عادي البنح يكون فية VC عادي مفيش فية اى مشاكل.

طيب لو المريض كان مش متعلّم أوي مش قادر يوضحلك هو شال الغدة ليه ؟

تواصل مع الطبيب البشري اللي متابع حالته واعرف منه حالته بالتفصيل.

لو مفيش عندك معلومات كافية من المريض ومفيش أي وسيلة تواصل مع الطبيب البشري اللي متابع الحالة طبعا أدق حاجة التحاليل ونشوف مستوى الهرمون أصلا في جسمه TSH T3 T4 لكن التحاليل دي بتكون غالية شوية فعشان كدا ممكن تخليها آخر خيار لو مقدرتش تتواصل مع طبيبه البشري اللي متابع حالته.

الخلاصة!
لو كان شالها بسبب Neoplasm زي ما قولنا، أتعامل معاه إنه مريض Hyperthyroidism في الحالة دي وآخد الحيطة غير كدا يبقا أتعامل معاه على إنه مريض عادي لو كان ماشي على علاجه بشكل منتظم.

لو انت مش عارف تتواصل مع الطبيب ومش عارف تطلب التحاليل اتعامل توقع الاسوء وتعامل على إنه مريض Hyperthyroidism واديلة بنج بدون ادرينالين.

واتمنى أكون فيدكم بمعلومة جديدة، ولا تنسوا الدعاء لاخوننا وأهلنا فى غزة، دكتور دينتيست طب الأسنان بطريقة بسيطة.
Cookie Consent
We serve cookies on this site to analyze traffic, remember your preferences, and optimize your experience.
Oops!
It seems there is something wrong with your internet connection. Please connect to the internet and start browsing again.
AdBlock Detected!
We have detected that you are using adblocking plugin in your browser.
The revenue we earn by the advertisements is used to manage this website, we request you to whitelist our website in your adblocking plugin.
Site is Blocked
Sorry! This site is not available in your country.