تابعتا على قناة التلجرام!

مريض الغدة وكيفية التعامل معة داخل عيادة طبيب الأسنان.

الـ dental management of patient with thyroid disease مهم جدا وخصوصًا لو المريض دخل فى thyroid crisis ممكن يموت لو الدكتور مكانش فاهم المانجمنت صح.
Dr dentist

 مريض الغدة سواء بتفرز زيادة وبيكون hyperthyroidism او افرزها قليل وبتكون hypothyroidism لازم كدكتور أسنان تكون عارف ال dental management of patient with thyroid disease اللي هنتكلم عنه بشكل مفصل.

كيفية التعرف على مريض الغدة؟

الـ patient دا هيجي يقولي ي دكتور أنا مريض غدة وممكن ميكونش عارف هو عنده زياده ولا نقص فى إفرازاتها وفى الحاله دي انا بعرفه من شكله ومن الأعراض الي بتبان عليه والي هنتكلم عنها كمان شويه، أو من الأدوية اللي بياخدها.
التعامل مع مريض الغدة فى طب الأسنان

خلى بالك ممكن المريض ميكونش عارف أصلا إنه مريض غدة، محدش يستغرب ممكن تحصل وتلقيه مديلك روشته فيها أدويه ويقولك ي دكتور أنا ماشي على العلاج دا فى تيجي تبص فى الروشتة فتلاقي:-

حاجه من الـ antityroid drug family زي: 

  •  اشهرهم carbimazole
  • propylthiouracil
  • neomercazole 
ودول أشهر أدوية في السوق ف لو شفت حاجه من دول هعرف علطول ان hyperthyroid patient.

او أدويه علشان يعوض نشاط الغدة زي 
  • eltroxin 
  • thyroxine sodium
ودول بياخدهم مريض ال hypothyroidism ودول أشهر دوائين فى السوق وتقريبا الوحيدين.

طاب إنتا شاكك إنه مريض غده وعاوز أتأكد ف ف الحاله دي هطلب منه تحاليل (T3 - T4 - TSH) 

لو كان مريض hyper هلاقي عنده:
- زياده فى T3&T4 وهتلاقي نقص ف TSH.
اما لو كان مريض hypo ف هنا ف احتمالين :-
- الاول ان المشكله تكون ف ال thyroid gland (primary)وهنا هلاقي نقص ف T3وT4 وزيادة ف TSH.

- التاني ان المشكله ف ال pituitary gland(secondary ) وهنا هلاقي نقص ف TSH و T3&T4.

والتحاليل دي عالية فلو تقدر تتواصل مع الطبيب المعالج وتفهم منه حالة المريض هيكون افضل.

Thyroid tests

الـ dental management of hyperthyroidism؟ 

ال dental management of hyperthyroidism وال hyperthyroidism بيكون عبارة عن إن الـ thyroid gland بتفرز هرمونات بطريقة زيادة، يعني نشاط زائد في وظيفة الغدة الدرقية.

الـ clinical features أو الأعراض: 

  •  عدم تحمل درجات الحرارة، لدرجه إنه ممكن يعرق تحت التكيف.
  • ايده بترعش ومش قاعد علي بعضه بمعنى عنده hyperactivity.
  • بيكون نحفيف والكتلة العضلية عنده ضايعة، ومهما ياكل مش بيزيد فى الوزن.
  • سرعة وزيادة ضربات القلب نتيجة زيادة افرازات الغدة الدرقية
  • بيظهر علي المريض جحوظ العينين "مش ديما".
  • وبيكون متعصب ومتوتر ومش طايق حد.
  • الـ möbius sign ودي معني لما بحط صباعي ف منتصف الوجه واقوله بص عليه، المفروض ف الإنسان الطبيعي بيحصل حاجه إسمها convergenc يعني عنيه الاتنين بيبصوا علي صباعي أما ف الـ patient دا بيكون عنده failure انه يعمل كدا.
الـ signs الي هتشخص بيها وتعرف ان دا hyperthyroid patient او على الأقل لو شفت حاجه منها تشك علطول إن دا مريض غده وتبعته يعمل التحاليل الي إتكلمنا عنها فوق بدل ما تشتغله ولا قدر الله يحصلة thyroid crisis ويموت منك.

الـ oral manifestation.

  • المريض ده اكار عُرضة للإصابة بالـ presidential disease والـ Dental Caries.
  • لو كان طفل أسنانة بتطلع بدري عن معادها.
  • وعندة ديما burning sensation.

إحتياطاتك :

  • إستشارة الطبيب المعالج، للتأكد من أن المريض controlled، ويعامل معاملة المريض العادي.
  • تأجيل اى علاج غير طارئ، لحين يصبح المريض controlled.
  • تجنب الجلسات الطويلة واستخدام Stresss reduction protocol وتجنب تعريض المريض لأي خوف أو ضغط عصبي.
  • الـ local anesthesia المفروض يكون مفهوش ادرينالين ولا Vasoconstrictor، اللى هيا plan anesthesia الكربولة الحمرا.
  • مفيش اي إحتياطات مع الادوية، اي مضاد حيوي ومسكن شغالين معاه، بس مينفعش تكتب حاجه فيها يود زي الـ bitadine mouthwash.

الـ Dental mangment of hyperthyroidism.


- لو المريض controlled وبياخد العلاج ومنتظم علية، هتشتغل لية عادة وتعامل كالمريض العادي.

- لو المريض uncontrolled والعلاج غير طارئ، يفضل تأجيل الجلسة لحين انتظام المريض بالدواء. 

- لو المريض uncontrolled والعلاج طارئ:
  • إستخدم LA بدون epinephrine or adrinaline اللي هوا plan anesthesia البنج الاحمر ده.
  •  وإجعل الجلسة قصيرة.
  • early day appointment.
  • patient support and multiple rests.
ال patient دا لو هيجيلي أشتغله وخاصه لو سرجري يبقي لازم هستعمل معاه stress reduction protocol يعني:
  • قبل الشغل بنص ساعه او ساعه هديه antianxiety drugs زي diazepam IV واسمها التجاري Valium 10 mg IV، ودا مهم جدا قبل الشغل.
  • وطبعا هجيبه بدري قبل وقت العيادة ولو هجيب ف وقت العيادة يبقي أقلل الـ waiting time.
وممكن أحتاج إن الـ patient يتابع مع الطبيب البشري فى الحالات التي تحتاج وقت كبير ومجهود يظبطله جرعة الأدوية بتاعته اللي بتتحكم في الـ T3 والـ T4.

أى اللى اخاف منه وانا شغال للبيشت دة؟ 

 بخاف ان البيشنت ده يدخل في حاجة اسمها thyroid crisis وهيَ حالة زى الصدمة كدا نتيجة زيادة التوتر والخوف، وممكن تؤدى للوفاه طاب لو ده حصل، هتعمل اى؟ 

أعراض الـ thyroid crisis؟ 

ودي أعرضها إني هلاقي fever وبحه فى الصوت"sweeting" وألم فى المعده "abdominal pain" وضيف فى التنفس، وعرق كتير، فى الحاله دي هتصرف إزاي؟
  • اول ماهتحس بداية ال thyroid crisis لانها مش بتبدأ مرة واحدة بتبدأ ان البيشنت الأول نفسه بيبدأ يسرع وتلاقيه بدأ يعرق هنا لازم انهي ال dental procedure فورا.
  • ولو الأعراض زادت هعمله ABC life support procedures، بنعمل establishment of airway، عن طريق إنك بتخلى البيشنت في الـ semi supine position وأميل راسه لورا وأرفع دقنه لفوق.
  • لو الأعراض لسا مقلتش، هنلجا لأدوية الطوارئ، أول حاجه هاديله anti thyroid drugs زي الـ Beta blockers وإسمها التجاري Inderal 10mg او  Glucocorticoids زى الـ dexamethasone علشان اقلل مستوي الادرينالين في الدم.
  • هأحاول أقلل درجه الحرارة عن طريق antipyretic drug واشهرها ibuprofen و ايضا بالـ cold packs.
  • بعد كده هتركب كانيولا وتعلق فيها saline، ولو الدنيا مستقرة تقدر تستنا الإسعاف.
  • لو حسيت ان فيه مشكلة في التنفس mouth to mouth breath أو لو متاح administration 02 طبعا.
وساعتها انتَ تقدر تستي الإسعاف، وتكون عملت كل اللي فى عليك.

مش كتير هتشوف عيانين hyperthyroidism داخلين عليك عيادتك، بس المعلومات ده مفيدة وممكن تنقذ حيات اي حد قدامك وحياتك انتَ شخصيًا، وده فيديو بيشرح الـ thyroid crisis.

خلى بالك المريض ده بياخد antithyroid drugs اللي منها حاجة اسمها Thio carbamides ودي من الside effects بتاعتها انها induce agranulocytosis اللي ممكن يسبب بعد كده oral and oropharyngeal ulceration علشان كده هتلاقي المرضى دول عندهم ulcer كتير.

الـ dental management of hypothyroidism

ال dental management of hypothyroidism، فية تلت حالات لل hypothyroidism وهما primary و secondary وف كمان tertiary ودا بيكون نتيجه لمشكله ف ال Hypothalamus بس دا rare

 الـ clinical features:-

  • الـ cold intolerance بمعنى مش بيستحمل البرد وعلطول حاسس ببروده
  • الـ weight gain وزنه عمال بيزيد من أقل اكل.
  • ‏بيتسوعب ببطئ ومش عارف يركز خالص وممكن يوصل لمرحله الmental retardation
  • معدل ضربات القلب بطئ والتنفس بطئ، وكسلان، وبارد ومش بتعصب.

الـ oral manifestation.

  •  عنده Macroglossia بمعني لسانه كبير.
  • poor periodontal health وممكن يحصل gingival hyperplasia.
  • والأهم من ده كله ان عنده delayed wounds healing، علشان كده ممكن تلاقية بياخد anticoagulant فلازم تتابع مع الدكتور البشري وتتاكد منه.

الـ dental management of hypothyroidism!

لو المريض controlled ممكن تعاملة كالمريض الطبيعي.
Can be treated with normal protocol.

الأدوية الممنوعة:
  • الـ CNS depressant زي ال sedatives وال hypnotic والـ anti anxiety drugs بيكونو contraindicated ف الـ patient دا.
  • واكتر حاجه بنستخدمات في طب الاسنان وهيا Nitrous oxide حيث يؤدي إلى تهدية المريض وتخفيف الآلم، ده ممنوع. 
  • الـ narcotic analgesic زي الـ morphine ومشتقاته ممنوع للمريض ده، لو انت في مصر ممنوع اصلا طبيب الأسنان يكتبة.
لو الـ patient دا uncontrolled هعامله زي الـ cardiac patient يعني أخرة 2 carpoules تركيز 1:100000 من epi ف الجلسه الواحدة، لو الأمر مش طارئ ممكن يرحع للطبيب البشري لتعديل وضعة.

لما تخلع، أكسر كربولة بنج فيها Vasoconstrictor علشان تساعد الشعيرات الدموية في تكوين الـ clot، علشان بيكون عنده صعوبة فى تكوين الـ clot أو امبولة karpon.

وتواصل مع الطبيب البشري واتاكد منه إنه مش بياخد anticoagulant ولو بياخد هتجتاج يوقفة قبل الخلع بكام يوم.
 

=========================

كده انتَ عرفت كل حاجه عن مريض الغدة، وركز مع الادوية اللي فوق اللي تعرف منها المريض ده، hypo ولا hyper علشان معظم المرضى بيجوا يقولك يا دكتور أنا باخده الدوا ده، مش بيعرف هوا مريض هوا عنده نقص ولا زياده.

وأخيرا لو إستفدت من المعلومات دي متنساش تشارك المقال مع أصحابك وبالتوفيق، دكتور دينتيست طب الأسنان بطريقة بسيطة.

كلمات دلائلية:

مريض الغدة hyperthyroidism   of hypothyroidism Dental management of thyroid patients hypothyroidism
Cookie Consent
We serve cookies on this site to analyze traffic, remember your preferences, and optimize your experience.
Oops!
It seems there is something wrong with your internet connection. Please connect to the internet and start browsing again.
AdBlock Detected!
We have detected that you are using adblocking plugin in your browser.
The revenue we earn by the advertisements is used to manage this website, we request you to whitelist our website in your adblocking plugin.
Site is Blocked
Sorry! This site is not available in your country.