هنتكلم عن موضوع المعادلة (ORE) والاوراق المطلوب والتكلفة الاجمالية للسفر وموضوع الفيزا وكمان أنواع الشغل هناك اي، وإزاي تدور على وظيفه هناك، كل ده هنتكلم عنه فخليك معايا.
معادلة طب الاسنان في انجلترا!
إجمالاً علشان تعمل معادلة للشهادة وتحصل على الترخيص لازم تعدي من امتحان المعادلة اللي هوا ORE أو LDS وهنتكلم عن الفرق بينهم متخافش، وعلشان تقدم وتجتاز الإمتحان لازم يكون معاك ILTES بدرجة 7 على الاقل.
شروط الحصول على ترخيص مزاولة المهنة ببريطانيا؟
علشان تكون مؤهل للترخيص والعمل في بريطانيا محتاج تكون عندك شوية شروط الإلزامية وأخرى غير الزامية ولكنها تزيد من قدرتك على المنافسة والاولوية للحصول على فرصة عمل.
- أن تكون جامعة التخرج هي إحدى الجامعات المسجلة لدي NARIC وهيا الهيئة المسئولة عن تقييم الدرجات العلمية من خارج إنجلترا وتقريبا معظم الجامعات المصرية والعربية موجودة على قائمتها، ولو اكتشفت إن جامعتك مش موجوده ممكن تراسل NARIC مباشرا ممكن يوفروا لك تقييم لشهادتك.
- مارست أكثر من 1600 ساعة في علاج مرضى حقيقيين يعانون من أمراض بأسنانهم، اللى هيا سنة الامتياز عندنا.
- اثبات التمكن من اللغة الانجليزية من خلال 1 من 4 طرق:
- إجتياز امتحان Academic IELTS بمستوي 7, ودا اكثرهم أفضلية.
- أن تكون حديث التخرج ولم يمر علي التخرج اكثر من سنتين، مع اثبات ان الدراسة كانت باللغة الإنجليزية.
- توفير ما يثبت ان لديك خبرة حديثة في العمل بإحدى الدول الناطقة باللغة الإنجليزية لمده لا تقل عن 6 شهور.
- اجتياز امتحانات الحصول على ترخيص مزاولة المهنة:-
- امتحان الـ ORE أو Overseas Registration Exam خلال مدة 5 سنوات من اجتياز امتحان الجزء الأول.
- إمتحان الـ LDS أو License of Dental Surgery وهو الامتحان الوحيد البديل لـ ORE وتنظمه الكلية الملكية للجراحين.
الفرق بين ORE وال LDS؟
الاختلاف بينهم بيكون فى طريقة الحجز فقط، وإن ORE تبع الـ GDC اللي هيا بمثابة وزارة الصحة عندنا وبيكون مرتين في السنه للبارت 1 وتلت مرات للبارت 2، وال LDS بتكلمه الـ Royal college وبيكون مره واحده فى السنه لكل بارت فيهم.
بعد ما بتخلص الإمتحان سواء ال LDS أو ORE بتروح الـ GDC وتقدم للحصول على الترخيص وبتاخدة
الأمان إنك تخش ال ORE علشان في سنه تقريبا 2019 منظمه ال GDC اللى المسؤلة عن تراخيص مزاوال المنهة قالت إن الامتحان بتاع ال LDS حصل فيه تلاعب ومش هنقبل الدكاترة اللي نجحوا في الإمتحان ولازم يتعاد.
امتحان الـ ORE، وطريقه التقديم؟
الـ ORE هوا الطريق الأسهل للحصول على ترخيص مزاولة المهنة في بريطانيا، وبيتكون من جزئين:-
ما هوا طبيعة إمتحان الـ ORE part 1؟
وهو عبارة عن مجموعة من أسئلة الاختيار من متعدد بنوعيها:-
- MCQ و match ومدة الامتحان 3 ساعات على الكمبيوتر وينقسم إلى ورقتين و اسئلته كل ورقه 200 سؤال بتغطي المواضيع التالية:
الـ paper A بتغطي جزء الـ Dental science والـ human disease في المواضيع التالية:-
- Human Disease.
- Medical Emergencies.
- Law, Ethics and Professionalism.
- Dental Biomaterials Science.
- Preventive Dentistry.
- Dental Public Health.
- Oral Surgery.
- Oral Medicine.
- Oral Pathology and Oral Microbiology.
- Dental Radiology and Imaging.
- Pain and Anxiety Control.
الـ paper B بتغلى جزء الـ clinical dentistry
Paper_B: covers aspects of clinical dentistry
including law and ethics and health and safety.
- Biomedical Sciences and Oral Biology
- Human Disease
- Medical Emergencies
- Law, Ethics and Professionalism
- Introduction to Clinical Dentistry
- Restorative Dentistry
- Orthodontics
- Preventive Dentistry
- Dental Public Health
- Oral Surgery
- Oral Medicine
- Oral Pathology and Oral Microbiology
- Dental Radiology and Imagina
- Pain and Anxiety Control
الامتحان يقام في King's College - London مرتين سنويا في شهر ابريل واغسطس و تكلفته المبدئية 806 جنيه إسترليني وتقدر تحضر لية وتبقا جاهز في خلال مدة من 3 الى 5 أشهر.
التقديم على امتحان الجزء الأول بيكون اونلاين من خلال
وبيحتاج ارسال المستندات التالية:
- شهادة التخرج باللغة الإنجليزية.
- شهادة الخبرة ب 1600 ساعة واللي ممكن تستبدلها بشهادة الامتياز.
- شهادة الـ Statement of Comparability.
- وطبعا English Language requirement سواء نتيجة ال Academic IELTS او شهادة الإعفاء اللي اتكلمنا عنها سابقاً.
- اثبات شخصية اللي هو طبعا صورة ملونة لجواز السفر.
- شهادة حسن سير وسلوك Certificate of Good Standing.
- طبعا مع تسديد تكاليف الامتحان وهي الان 806 جنيه استرليني
متاح فقط 5 محاولات لهذا الامتحان!
و النتيجة يتم ارسالها بالايميل خلال 20 يوم عمل وموضح فيها نسبة النجاح وهل تم اعتمادك لدخول الجزء التاني أو أنك تحتاج لاعادة الامتحان!
الجزء الثاني من امتحان الـ ORE:-
بمجرد النجاح في الجزء الأول تكون مؤهل إنك تدخل الجزء الثاني مباشرة وتكلفته 2920£ خلال فترة سماح 5 سنين فقط للتقديم للامتحان وبعد هذه الفترة يعتبر النجاح في الجزء الأول لاغي!
ما هي طبيعة امتحان ORE Part 2 ؟
- الجزء التاني هو امتحان عملي ( كلينيكال) الغرض منه هو قياس المهارات الإكلينيكية للطبيب وبشكل أساسي مهارات التواصل مع المرضى باللغة العامية الدارجة مع الدراية التامة بالمنهج الذي تأسست عليه في الجزء الأول.
الامتحان ينقسم لأربع مراحل:
1- الـ dental manikin؟
3 إختبارات على دمية أسنان بيطلب منك تعمل مثلاً class 2 composite او crawn preparation أو amalgam Restorative على حسب الامتحان، وبتكون مدة الامتحان 3 ساعات.
2- إختبار الـ OSCE!
إختبار ال Objective Structured Clinical Examination وهوا عبارة عن سلسلة من "المحطات" تقريبا 20 موقف، التي تختبر مهاراتك الإكلينيكية والتي تشمل اخد التاريخ الطبي ومهارة التواصل من حيث شرح المشكلة وخطط العلاج المناسبة والقدرة على إتخاء القرارات والمواقف الأخلاقية.
3- الـ DTP!
يتضمن هذا الإختبار قياس مهارة الـ Diagnostic والـ treatment planning ويكون ممثلًا فى تقديم تاريخًا طبيا مناسبًا، مع معلومات إضافية ذات صلة مثل الصور الفوتوغرافية أو الصور الشعاعية أو نماذج الدراسة لتحديد أفضل تشخيص ووضع خطه العلاج المثالية.
4- الـ medical emergencies
هذه المرحلة تتكون جزئيتين:
- جزء شفوي بيضع قدامك سيناريو ويسئالك هتتصرف إزاي؟
- الـ basic life support، وإزاي تعمل cpr على دمية الإنعاش.
يجب إجتياز الأربع مراحل السابقة ولو لا قدر الله لم توفق في الاختبار الرابع "حالات الطوارئ الطبية" يمكن إعادته مستقلا وتكلفته 300 جنيه إسترليني.
بعد النجاح وظهور النتيجة تقدم في الـ GDC للحصول على ترخيص مزاولة المهنة وتبدأ رحلتك في البحث عن عمل، ولكن قبل ذالك لابد من معرفة أنواع العيادة في بريطانيا، ونظام كل عيادة؟
نظام عيادات الأسنان في بريطانيا؟
عندنا فى بريطانيا 3 أنواع من العيادات:-
عيادات الـ NHS: وهيا عيادات التامين الصحي التابعه للـ national help services اللى هيا وزارة الصحة ويكون العلاج فيها على حسب الدعم للمريض في دعم كامل مش بيدفع حاجه وال NHS بتحاسب الطبيب وفيه دعم جزئي المريض بيشيل جزء وال NHS بتشيل الباقي"وبيكون ليك مرتب ثابت".
عيادات برايفت: عيادات الدخل فيها يعتمد على شغل الطبيب زي عندنا، ممكن يديك مرتب ثابت مع نسبة من الدخل وهكذا.
عيادات Independ: عيادات برايفت ولكن بأسعار عيادات NHS، اي عيادات بأسعار مخفضة.
طاب الافضل أول ما تاخد الترخيص تعمل اي!
لو إمتحنت ال ore وخدت الترخيص، الافضل تشتغل سنه في الـ NHS لمده سنه بتكون تحت مشرف هوا اللي مسؤل عنك، وبعد السنة دي بتكون عندك فرصة كبيرة في الشغل في عيادة برايفت علشان معاك شهادة خبرة عمل في ال UK وممكن لو عجبك الوضع فى عيادات NHS تكمل فيها.
ما هوا دخل طبيب الأسنان في بريطانيا؟
اول سنة بتكون مثلا 4 ألف في الشهر يعني مثلا فى حدود 40 الف في السنة، اللى هيا السنة اللى بتشتغل بيها تحت مشرف في عيادات ال NHS، بعد كده الدخل بيرتفع لحوالى 7 الف في الشهر يعني في حدود من 80 إلى 100 الف جنية إسترليني، قبل الضرايب ممكن بعد الضرايب فى حدود من 60 الى 80 الف، وعلشان تعيش حياة كريمه ومتوسطه 40 الف يكفيك وزياده انت وعيلتك، غير خدمات الدولة المجانية من تعليم وصحه الخ...
فيزا طبيب الأسنان الى بريطانيا؟
مبدئيا كده عندنا اربع أنواع من الفيزا للسفر الي بريطانيا وهما "الـ Tourism Visa والـ Spouse Visa والـ Student's Visa والـ Spenserstip Visa وهنعرف تفاصيل كل فيزا ولكت عندنا جزئين للسفر، جزء السفر لأداء الامتحان وجزء السفر للعمل وهنتكلم عنهم بالتفصيل:-
الـ Tourism Visa؟
الخيار المثالي للسفر لأداء الامتحان، طبعا السفر للامتحان يحتاج فيزا، ولا يوجد فيزا مخصصة لامتحانات الـ ORE وبالتالي ستقدم على فيزا سياحة وسيكون أمامك حل من 2 :-
- الأول إنك تستنى حتى تسجل في الامتحان لكي تكون حصلت على Invitation Letter وهذا سيدعم طلب الفيزا خاصتك جدا ولكن الوقت سيكون ضيق جدا قبل الامتحان وبالتالي هذا الاختيار سيكون إلى حد ما risky.
- الحل الثاني والأمن هو إنك تقدم على الفيزا مبكراً وما تستنى الـ Invitation letter لكي لو قدر الله انرفضت وهذا يعتبر احتمال ضعيف لو انت مقدم الـ Visa application & supportive documents بشكل صحيح وهم كالتالي:
- الأهم الـ Bank Statement ويكون الحساب موجود فيه رصيد تقريبا يساوي 2000 جنيه إسترليني ويفضل يكون عليه حركة سحب وايداع.
- ممكن تقدم كشف حساب لاحد افراد العائلة يكون فيه المبلغ وأيضا عليه حركة سحب وايداع في خلال اخر 6 شهور لكن في هذه الحالة ستحتاج خطاب اسمه Sponsorship letter بيوضح أن صاحب الحساب يتعهد بدعمك خلال فترة سفرك.
- مستندات توضح حجز الطيران وحجز الفندق طبعاً بما يتماشى مع التواقيت اللي أنت محددها للسفر والعودة.
---------------------------------------------------
الـ Spouse Visa؟
ودي الفيزا اللي بتكون معاك لو انت معاك إقامة او والدك او والداتك او زوج حضرتك او زوجه حضرتك تقدر تقدم على الفيزا دي.
الـ Student's Visa؟
بتقدم على إنك طالب وبتسافر علي كده وبعد ما تخلص الكورس اللي طالع عليه بتمد سنتين كمان ولازم بعد السنتين دول تشوف لو هتقدم في كورس تاني وتجدد الفيزا ولا خلاص تعبت وعايز تنزل، كمان علشان تشتغل إنت ليك قانونى 22 ساعه في الأسبوع والعائد المادي بيكون قليل، كمان علشان تقدم على الإقامه الدائمه لازم تقعد تدرس 10 سنوات وده حاجه مرهقه جدًا ومنصحش حد يسافر بالفيزا دي.
الـ Spenserstip Visa؟
شبة نظام الكفالة كده في السعودية، بس بشكل ارقي شوية والفيز دي قايمه على العجز في الأطباء، الشركه بتبعتلك الفيزا ومش بتبص بقا لحسابك البنكي او حاجه بتبص للشخص نفسة، خلص الـ ORE وخد الترخيص وهل عليه احكام في بلده ولا لاء! وميزة الفيزا دي إنة بعد 5 سنوات بتقدر تقدم على الاقامة الدائمه والجنسية البريطانية وبتكون أنواع فيه سنة وفيه 3 سنوات وفيه 5 سنوات والافضل 3 سنوات وبعد 3 سنوات تجديد وفي السنه الخامسة بتقدم على الجنسية.
إزي تتدور على شغل؟
فيه مواقع كتير ممكن تدورة فيها ومن أشهرهم:-
- Linked in
- In deed
- Jobs UK
وممكن تكون تعرف دكتور مصري فى بريطانيا يساعدك في إنك تلاقي وظيفة، الوظيفه امرها سهل إنشاء الله خلص المعادلة وهتلاقي الطرق مفتوح قدامك.
كمان الاكاديمية اللي انت بتاخد فيها الكورس في الغالب بتساعدك علشان تلاقي شغل، وبيكون متعاقدين مع شركات فاتحه سلسلة عيادات تجيبلهم دكاترة، الشغل حرفيا فى كل حته ومتخفش من النقطه دي، عدي ال ORE الاول وهتلاقي شغل.
تكلفة التحضير لمعادلة طب الأسنان ببريطانيا؟
تكاليف الامتحان ودي بتكون في حدود 3800 جنية إسترليني، والسفر والفنادق ممكن حوالى 2000 كمان، دول التكاليف الأساسية، فيه برضو تكاليف التحضر لامتحانات ودي بتختلف من شخص لآخر الافضل طبعا إنك تاخد كورس في البارت 1 و 2 علشان تكون مستعد وتنجح من اول مرة ومتدفعش فلوس التقديم تاني، فمثلا اغلا كورس هيكون في حدود تكلفه الإمتحان بمعني 3800 جنية إسترليني، يبقا التكلفة الإجمالية هتكون هتكون في حدود 9 الى 10 تلاف جنيه إسترليني، في حدود ال 12 الف دولار، وممكن التكاليف تزيد لو خدت كورس البارت 2 في بريطانيا، وده ملف التكلفة مفصل من حيث كل شئ تقدر تشوفة من هنـــــــا.
كورسات ومصادر للمعادلة البريطانية لطب الأسنان؟
انا كنت جمعت شوية مصادر للمذاكرة، بتاعت بارت 1، منهم كتب وبنك اسئلة لو ذاكرتهم هتخش تنجح إنشاء الله المصادر من هنـــــــا، هتلاقي كتب وبنك اسئلة بس طبعا معرفش اعملك Guide للمذاكرة واقولك ذاكر اي ومتذاكرش اي، الأكاديمية هتساعدك في دة، أو ممكن تشوف حد امتحن ORE Part1 وهوا يرشدك احسن مني.
البارت 2 للاسف هوا عبارة عن عملي والمذاكرة بتاعت إنك تتدرب علي دمية الأسنان مع مراعاة الـ guide line بتاعت طب الاسنان ببريطانيا، فالكورس هيكون أفضل طريق علشان يعلمك ويدربك ويحطك في جو الامتحان علشان تكون مستعد في أفضل أحوال.
الأكاديمية اللي بتقدم كورسات في مصر:-
- أكاديمية QualifyMax للدكتور عمر عبدالرشد دكتور مصري مقيم في بريطانيا اكتر من 10 سنوات، وليه فيديوهات كتير بيتكلم على طريقه السفر لبريطانيا، وكمان الدكتور بيساعد الدكاترة بعد ما يخلصوا الـ ORE في توفير فرصه عمل.
- أكاديمية Dental UK Style Institute In Egypt للدكتور محمد عمارة، واخد زمالة متخصصة بريطانية MRD والمركز ما شاء الله تجهيزات فوق الروعه وحاجه جميلة.
- اكادمبة rado acdmy للدكتورة نهلة رحيم كنت خبرة 8 سنوات في التدريس لل ORE وهيبداء يدوا كورسات في مصر الفترة الجاية، ممكن تكلمهم وتسألهم من هنـــــــا.
سؤال وجواب؟
هل الزمالة البريطانية العامه أو المختص تغني عن ال ORE؟
مفيش اي حاجه تقدر تغني عن ال ORE لو معاك كل شهادات اللى تثبت إنك مؤهل علمياً، لازم تمتحن.
هل لو اخدت M ortho فى مصر ونجحت في ال ORE هقدر اسافر بريطانيا كأخصائي تقويم ولا هحتاج اعمل معادلات تاني وحجات تانية؟
بتكون GP with ortho interest وبعد فتره في المتوسط 5 سنوات بتقدر تسجل كاخصائي.
انا جاوب على معظم الاسئلة اللي بتدور في دماغك على معادلة طب الاسنان في انجلترا، ولو فية سؤال جديد ظهر وملقتش إجابة لية في المقالة هابقا اضيفة فى قسم أسئلة وجواب.
مفاضلش غير إنك تبداء الطريق، لو معاك ILTES ذاكر للبارت 1 لحد ما تجمع فلوس وتدخل الإمتحان ولو انتَ مش معاك ILTES أبدا ذاكر إنجليزي وإمتحن ILTES وبالتوفيق يا دكاترة، كان الله عوناً لنا ولكم، انا دكتور دينتيست سلام.