الزمالة البريطانية العامه كلية جراحي الأسنان الملكية – المعروفة بـ MFDS – هي دبلومة دراسات عليا بتمنحك اعتراف بكفاءتك بعد التخرج. يعني ببساطة: شهادة بتقول للعالم كله "أنا مش بس اتخرجت.. أنا كمان معايا دبلوم اعتماد بريطاني بجودة التدريب والتأهيل"
الزمالة دي بتنفعك في اتجاهين:
- لو ناوي تاخد زمالة بريطانية متخصصة، زي الزمالة البريطانية للتقويم، فكده بتسهل طريقك للسفر.
- تُحسب أحيانًا كـ ماجستير بعد مناقشة رسالة في مصر.
امتي اقدر اخد الزمالة البريطانية العامه لطب الأسنان mfds؟
الجزء الأول من الزمالة (Part 1) تقدر تمتحنه وانت لسه في سنة الامتياز. أما الجزء التاني (Part 2) لازم تكون خلّصت الامتياز فعليًا وعدّيت سنة خبرة بعد التخرج.
يعني الخطة الذهبية لأي خريج جديد:
- تمتحن Part 1 خلال سنة الامتياز.
- تبدأ تجمع خبرة عملية سنة واحدة.
- أول ما تكمل 12 شهر.. تدخل على Part 2.
مقارنة بين الكليات الملكية للحصول على الزمالة البريطانية لطب الأسنان (MFDS).
تُعد زمالة (MFDS) من أهم الشهادات التي يسعى إليها أطباء الأسنان في مصر، حيث تمنحها 4 كليات ملكية مرموقة. وسنستعرض الفروقات الجوهرية بين هذه الكليات من حيث أماكن الامتحانات، التكاليف، والمميزات لكل منها.
1. كلية الجراحين الملكية في إدنبرة (RCSEd)
- تُعتبر الأكثر انتشاراً وشعبية في مصر.
- يوجد إمكانية عقد الجزء الثاني من الامتحان (Part 2) داخل القاهرة حيث تم عقد الامتحان في مصر عام 2013 وعام 2018 وعام مايو 2025 في المركز الثقافي البريطاني.
- وده بيأكد إن الكلية عندها استعداد تنظمه تاني في مصر، بس لازم تتابع بنفسك كل سنة – لأنه مش ثابت بشكل دوري، تقدر تتابعهم على linked in.
- الرسوم الدراسية: تقدر بحوالي 570 جنيهًا إسترلينيًا للجزء الأول، و770 جنيهًا إسترلينيًا للجزء الثاني.
2. كلية الجراحين الملكية في إنجلترا (RCS England)
- هي الكلية الأعرق والأكثر شهرة عالمياً، وتُعتبر الخيار الأول لمن يخطط للعمل أو التخصص في بريطانيا نفسها.
* الميزة التنافسية: السمعة القوية والاعتراف العالمي الواسع.
- يُعقدالجزء الاول اونلاين ويُعقد الجزء الثاني في لندن أو كوالالمبور، مما يتطلب السفر.
- الرسوم الدراسية: تكلفتها أقل قليلاً في الجزء الأول، حيث تقدر بحوالي 535 جنيهًا إسترلينيًا.
3. كلية الأطباء والجراحين الملكية في جلاسكو (RCPSG)
- تقدم نفس المؤهل (MFDS)، ولكنها أقل انتشاراً في مصر بسبب شرط السفر الإلزامي.
- الجزء الاول اونلاين والجزء العملي (Part 2) يُعقد حصرياً في المملكة المتحدة، مما يجعل السفر ضرورياً.
- الرسوم الدراسية: مشابهة جداً لرسوم إدنبرة، حوالي 570 جنيهًا إسترلينيًا للجزء الأول و770 للثاني.
4. الكلية الملكية للجراحين في أيرلندا (RCSI)
- تتميز بنظام فريد يجعلها الخيار الأمثل لمن يبحث عن المرونة الكاملة، ولكن بتكلفة أعلى.
- جميع الامتحانات، بما في ذلك الجزء العملي (OSCE)، تُعقد عبر الإنترنت (Online). هذه الميزة ممتازة للأطباء الغير القادرين على السفر نهائياً.
- الجانب السلبي: تُعد الاختيار الأعلى تكلفة بين الكليات الأربعة حيث أن الرسوم تقدر بحوالي 850 يورو للجزء الأول و950 يورو للجزء الثاني.
معظم الاطباء في مصر يجتاز الجزء الاول من كلية الجراحين الملكية في إنجلترا حيث انها الاقل تكلفة، وبعد إجتياز الجزء الأول يتابع كلية الجراحين في إدنبرة لو هتفتح التسجيل للجزء التاني في مصر بيسجل، مفتحتش بيقدم الجزء الثاني في الكلية الملكية للجراحين في أيرلندا علشان ياخد الحزء التاني اونلاين.
نظام إمتحان الزمالة البريطانية العامة وطريقة التحضير للإمتحان؟
الـ Part 1: (امتحان تحريري – اختيارات)
- عدد الأسئلة: حوالي 150 إلى 180 سؤال وصيغة الأسئلة بتكون mcq اختيار إجابة واحدة صحيحة.
أهم مصادر المذاكرة:
- Oxford Handbook of Clinical Dentistry
- سلسلة Master Dentistry
- بنوك الأسئلة زي:
- Pastest
- eDentalPortal
- ExamineDental
الـ Part 2: (OSCE – محطات عملية وتواصل)
- ده الجزء العملي وبيتكون من حوالي 10 إلى 14 محطة.
- مطلوب تتعامل مع مريض، تشرح، تفسّر، توصل معلومة، تتصرف في طوارئ... إلخ.
استعد بـ:
- حضور كورسات OSCE
- تدريب فعلي على التواصل بالإنجليزي.
هل يوحد شرط لغة إنجليزية لدخول الإمتحان؟
الزمالة البريطانية العامه لا تطلب شرط لغة رسمي كالـ IELTS أو OET فعادي ممكن تخش من غير ما يكون معاك ايلتس او غيرة، بس خلّي بالك: الجزء التاني كله تواصل، فلازم لغتك تكون ممتازة فعلًا مش ورق بس، لو هتمتحن اوفلاين.
ماذا بعد الزمالة البريطانية العامه MFDS ؟
لو هدفك الخليج: الـ MFDS فتفتحلك سكه انك تبدأ في الزمالات البريطانية المتخصصة ويكون سهل إنك تعدي الجزء الاول فيها.
الزمالات التخصصية:-
- (MRD – MOMS – MOS – MPEDO – MORTHO)
- محتاجة 3 سنوات تدريب + امتحان تخصصي.
من 2026، MFDS شرط أساسي علشان تقدم على زمالة تخصصية في بريطانيا.
حجز إمتحان الزمالة البريطانية العامة MFDS؟
علشان تحجز إمتحان الزمالة البريطانية العامة mfds هـ :-
- تدخل على موقع الكلية اللي اخترتها (مثال: RCSEd)
- تعمل حساب.
- ترفع صور شهاداتك.
- تدفع بكارت فيزا دولاري أو كريدت كارت، لو انت في مصر.
- تستنى تأكيد الحجز على الإيميل.
لو انت طبيب أسنان مصري وبتفكر تطور نفسك وتراجع معلوماتك، او حابب تاخد زمالة بريطانية متخصصة بعد كده، فهتكون الزمالة البريطانية العامه – MFDS – خيار كويس جدًا. ابدأ من دلوقتي لو كنت لسا في الإمتياز، خليك استراتيجي، حضر من بدري، واستغل الميزة إنك ممكن تمتحن من هنا.