عُمان هي دولة تقع في منطقة شبه الجزيرة العربية، وتتميز بتنوعها الجغرافي والثقافي، حيث تجمع بين الصحراء والجبال والسواحل الجميلة. عاصمتها مسقط وتعد واحدة من أكثر الدول استقرارًا في المنطقة.
تم التعمين الكامل لمهنه طبيب الأسنان العام في عمان في القطاع الحكومي بسلطنة عمان، بعني أنه لا يمكن لغير العمانيين العمل في الحكومه، أما في القطاع الخاص، فالأمر مختلف، والفرص متوفرة.
كيفية الحصول على ترخيص طبيب أسنان في عمان؟
علشان تحصل على ترخيص للعمل كطبيب أسنان في عمان وتمارس مهنه طب الأسنان محتاج منك شرطين :-
1- سنة الامتياز + 4 سنوات خبرة.
- الـ 4 سنوات خبرة مش شرط يكونوا شغل في الحكومه لو انتَ شغال في عيادة ممكن تجيب شهادة خبرة منها ولكن لازم تكون الشهادة متوثقة فى الشهر العقاري.
2. التاكد من صحه الشهادات عن طريق عمل الداتا فلو.
3. النجاح فى امتحان البرومترك العماني.
4. النجاح في إمتحان ال viva أو الشفوي.
5. الحصول على دورة إسعافات أولية من مركز معتمد.
وبعد ما تعمل كل الخطوات دي، بتشوف صاحب عيادة يعملك تأشيرة علشان تسافر تعمل الكشف الطبي وبعد الكشف الطبي وفي خلال أسبوعين بتستلم الترخيص.
كيفية عمل الداتا فلو الخاصة بعمان؟
الداتا فلو هي عبارة عن شركة أمريكية مهمتها التأكيد على صحة شهاداتك من مصادرها و تعطيك شهادة بصحة شهاداتك المقدمة تكلفتها تحسب بالورقة لذلك لا تبالغ في الشهادات لأن التكلفة هتزيد عليك هتعملها عشان شهادة التخرج و الامتياز و الخبرة.
وممكن تعمل الداتا فلو بنفسك أونلاين لو معاك فيزا أو تروح لشركة تعملها لك و تدفع كاش ونتيجة الداتا فلو بتطلع بعد ٢٥ الى ٣٠ يوم.
امتحان البرومترك العماني؟
حجز الامتحان أونلاين؟
- الجيزة في شارع محي الدين ابو العز بتوصله بالمترو قريب من محطة البحوث.
- أو فى الاسكندرية في الـ American center شارع الشريف.
مصادر للمذاكرة البرومترك العماني؟
كورس اسعافات أولية؟
الامتحان الشفوي او الـ viva؟
- الامتحان بيكون أسئلة و صور حالات على اللاب.
- واللجنة لا تعطيك أي إنطباع اذا كنت بتجاوب صح أو غلط.
- النتيجة بعد يومين إما ناجح أو راسب.
- هتحتاج تذاكر كويس للامتحان و خليك واثق بنفسك وليك 3 مرات لو منجحتش في التلاتة هتحتاج تمتحن البرومترك تاني، علشان تقدر تخش الشفوي.
ازاي تكون أخصائي اسنان في عمان؟
- معاك دكتوراة من جامعة مصرية.
- او زمالة بريطانيا متخصصة وليست عامة وبشرط يكون معاك جواب من بريطانيا إن التدريب بتاعك معتمد.
إمتياز الزراعة، والشغل كمتخصص زراعة فى عُمان؟
- كورس أو شهادة بـ 300 ساعة دراسة وتكون الشهادة معتمدة ومتوثقة في الداتا فلو.
- هتحتاج تقدم log book فية، 20 حالة متصورة جراحة ومتوثقة.
- تكون حصلت على ترخيص العمل في عمان واشتغلت فى عمان سنة كاملة
الأخطاء الطبية وحدود العمل كطبيب عام في عمان؟
شغل السعودية وانك تشتغل اول 6 اسنان بس دة مش موجود انت بتشتغل كل حاجه ما عدا الاورثو والزراعة والفينير، الاورثو لازم تكون أخصائي، الزراعه والفينير ممكن تشتغلهم بـ prevelage اللي هوا إمتياز اضافي زي ما اتكلمنا فوق.
مرتب طبيب الأسنان العام في عمان؟
متوسط الرواتب بتكون ما بين 600 إلى 800 ريال لطبيب الأسنان العام، يعتبر قليل نسبيا ودة بسبب كثرة عدد الاطباء وقلة الفرص المعروضة، وبالنسبة للفرص، الفرص حاليا بتييجي للي جاهز.