تابعتا على قناة التلجرام!

كيفية معادلة طب الاسنان في اسبانيا؟

هل تريد العمل كطبيب اسنان في اسبانيا اليك خطوات معادلة طب الاسنان في اسبانيا التى تؤهلك للعمل بيها، مع إرشادات اذا كنت ترغب في تحضير ماجستير باسبانيا.
Dr dentist

اسبانيا من الدول الجميلة والمناسبة للمعشية حيث ان متوسط دخل الطبيب في اسبانيا يتراوح ما بين 3 الف الى 5 الف يورو، وتكلفة المعيشة بتبدأ من 1000 يورو في الشهر.

معادلة طب الاسنان في اسبانيا

ولكن برغم هذة المميزات إلا ان معادلة طب الاسنان في اسبانيا تستغرق وقت كبير جدًا قد تصل الى 5 سنوات، منها سنه في تعلم اللغة الاسبانية و3 سنوات لتاكد صحه شهاتك من وزارة التعليم في اسبانيا، مع زيادة سنة احتمالية أداء إمتحان او الدراسة في الجامعة اذا كان البرنامج الدراسي غير كامل.

معادلة طب الاسنان في اسبانيا؟ 

علشان تعمل معادلة طب الاسنان في اسبانيا، بتحتاج تبعت شهادتك إلى وزارة التعليم هناك، وبعد كده هما بيدرسوا محتوي البرنامج الدراسي بتاعك ويتم تقيمه على المعاير الاسبانية، وهذة العملية تعرف بإسم الـ HOMOLOGACION والأوراق المطلوبة بتكون:-

  • شهادة التخرج.
  • بيان درجات. 
  • تفاصيل البرنامج الدراسي كامل مع بيان بعدد الساعات في كل مادة.

كل الأوراق مترجمة ترجمة معتمدة وموثقة من الخارجية والسفارة الاسبانية. 

  • شهادة DELE  لاتقان اللغة الاسبانية بمستوى B2 ويفضل مستوي C1، والشهادة بتكون عبارة عن امتحان تابع لوزارة الثقافة الاسبانية موحد بكل العالم وبيتم بوقت واحد وتاريخ واحد ولية عدة مواعيد كل سنة. 

ترفع كل الأوراق بعد التسجيل بموقع وزارة الجامعات الاسباني ويتم دفع رسوم التعديل 166.5 يورو، كل العملية هي الكترونية وبتم من خارج أسبانيا ويفضل إجراءات قبل الوصول.

وللاسف الخطوة دي ممكن تاخد من سنه ونص الى 4 سنوات، هوا فية قرار ملكى بإن المفروض الخطوه دي متزدش عن 6 شهور بس لحد دلوقتي محدش بيعمل بية.

والرد بيجي ان البرنامج بتاعك معتمد وتقدر تمارس المهنة او عندك نقص فى المحتوي العلمي فى بعض المواد وساعتها:-

  • هتتدخل امتحان في المواد دي، لو نجحت بتاخد الترخيص.
  • ولو منجحتش لازم تتدرس المواد دي علشان تاخد الشهادة وتحصل على الترخيص. 
القصة بتاخد وقت فعلا بس فى الاخر بنتجح وتمارس المهنه. 

دراسة الماجستير في اسبانيا

دراسة الماجستير في اسبانيا؟ 

دراسة الماجستير فى اسابنا فى طب الأسنان متاحة في التخصصات التالية فى كل من الجامعات الحكومية والخاصة:- 
  •  جراحة الوجه والفكين 
  • طب أسنان الأطفال
  • علاج الجذور  
  •  والتقويم 
وغيرهم كثير من التخصصات اللى ممكن تعرفها من موقع الجامعةنفسها، ومده الدراسة بتكون فى حدود من سنة ونص الى 3 سنوات حسب الجامعه والتخصص.

تكلفة دراسة الماجستير في اسبانيا؟ 

تكلفة دراسة الماجستير في اسبانيا بيكون على حسب الجامعة والتخصص بس في المجمل:-
  •  لو هتاخد ماجستير في جامعه حكومية التكلفة بتبدأ من 800 يورو الى 2500 يورو سنويا.
  • لو ماجستير جامعة خاصة التكلفة بتبدأ من 5000 يورو وقد تصل الى 25 الف يورو فى السنة.
لو هتدرس في جامعه حكومية لازم يكون معاك لغة اسباني c1 ولو جامعه خاصة ممكن الدراسة تكون بالانجليزي والفرق بيكون فى التكلفة.

هل ماجستير اسبانيا معترف بية في الخليج؟

لو بتاخد الماجستير ومعاك ترخيص بمزاولة المهنه، والماجستير فية شغل كلينيكال تقدر ترخص كاخصائي في الخليج، هيا الفكره صعبة علشان حوار مزاولة المهنة.

كان فية احد الاصدقاء قال اخد ماجستير من جامعة uic (جامعه خاصة) وكان فية جزء كلينيكال تحت اشرف دكتور من غير مزاولة مهنة وقدر يكون أخصائي في الامارات من غير 3 سنوات خبرة كمان، معلومه مش أكيد. 


الأوراق المطلوبه لدراسة الماجستير بإسبانيا؟ 

علشان تدرس الماجستير في اسبانيا لازم تعمل معادلة داخلية داخل الجامعة من أجل تقييم دراساتك السابقة وإعطاءك الحق فى دراسة بالجامعة وهوا ما يسمى بالـ Equivalencia ومختلف تماما عن Homologación بتاع المعادلة، والأوراق المطلوبه بتكون:-

  • شهاده التخرج.
  • بيان درجات لجميع المواد التى تم دراستها خلال سنوات الجامعة موضحا بها عدد الساعات الدراسيات وكيفية احتساب درجات النجاح والتقديرات.

  • إفادة من الجامعة او الكلية أو القسم بأحقيه الطالب فى الدخول لمرحلة الدراسات العليا ودراسة الماجستير وفقا لقانون الجامعة أو التعليم العالى فى بلد المتقدم.
  • صورة جواز السفر.
  • يتم تقديم كل ما يفيد ملفك للدراسة من شهاده لغة ودورات تدريبية أومؤتمرات أو أبحاث علمية .... الخ.
كل الورق لازم يكون مترجم ومتوثق من وزارة الخارجيه والسفارة الاسبانية، وبعد القبول بمعادلة الجامعة تقدر تقدم في اي تخصص انتَ حابب تتدرس وحسب المتاح فى الجامعة.


وفي النهايه اسبانيا وجهة غير مناسبة وعندها زيادة فى اعداد اطباء الاسنان اللي بيروحوا يشتغلوا في البلاد الاوربية الأخرى، وإذا اردت العمل بلاد أوروبا الأخرى يجب الانتظار 3 سنوات بعد الحصول على ترخيص، لكى تسطيع العمل في باقي دول الاتحاد الأوربي.

ومتنساش لو عايز تضيف معلومة أو عندك تعديل لمعلومة ابعتلنا عشان أول بأول يكون عندنا كل جديد، ولو عايز معلومات اكتر عن اسبانيا تقدر تشوف جروب الدراسة في اسبانيا او تبعتلى أنا دكتور دينتيست سلام.

Cookie Consent
We serve cookies on this site to analyze traffic, remember your preferences, and optimize your experience.
Oops!
It seems there is something wrong with your internet connection. Please connect to the internet and start browsing again.
AdBlock Detected!
We have detected that you are using adblocking plugin in your browser.
The revenue we earn by the advertisements is used to manage this website, we request you to whitelist our website in your adblocking plugin.
Site is Blocked
Sorry! This site is not available in your country.