طبعا كتير مننا بيجي على بالة وهوا شغال إندو، استخدم كلور بس! ولا أستخدام Saline بس! ولا أستخدامهم الاتنين! ويا تري فيه حاجه تانية ممكن نستخدمها معاهم علشان أخلى الـ success rate بتاعي عالي! ولو فية الترتيب بتاع إستخدامهم هيكون إزاى! وإي المميزات اللى تخلي الكلور أشهر irrigation على الإطلاق.
متقلقش الاسئلة دى سهلة وهتعرف إجابتها لوحدك فى نهاية المقال، بس قبل كل ده، لازم تعرف إية السوائل اللى ممكن تستخدمها كـirrigation في الاندو واي مميزات وعيوب كل واحد فيهم.
احنا عندنا 3 أنواع دول الأشهر والافضل وهما الـ sodium hypochlorite والـ EDTA Soloution والـ chlorhexidine ومعاهم الـ Sailne اللى بنفصل بية بين أي محلولين من دول علشان ممكن يحصل تفاعل بينهم ويكون راسب ويقلل نسبة النجاح للاندو بتاعى، لو مفصلتش بـ saline.
الـ sodium hypochlorite.
الكلور أو الصوديوم كما يسمية البعض، من أشهر أنواع الـ Irrigation على الاطلاق، وأقوي antimicrobial irrigant على الإطلاق.
اكيد دماغك فيها اسئلة كتير دلوقتي، وهوا هل ينفع استخدام الكلور لوحده كـ irrigation! طاب أخففه ولا أسيبة زي ما هوا!
قبل الاسئلة دي محتاح اعرف اي المميزات والعيوب اللى مخليها أشهر irrigation على الاطلاق.
أولا مميزاته :
أولا مميزاته :
- أقوى antimicrobial irrigant موجود، هيقدر يقتل أغلب أنواع البكتريا في القنوات.
- بيقدر يدوب نسيج العصب سواء vital أو nonvital ولكن ده يعتمد على ترکیزه.
- بيقدر انه يعمل deactivation للـ endotoxins اللي بتطلع من البكتريا لما تموت.
- lubrication effect بانك تقدر تستخدمه لوحده مع الروتاري فايل.
عيوبه :
- بيضعف الدينتين بشكل كبير، متستخدمهوش كـ final irrigation.
- بيأثر على الـ collagen وبيحصلها collapse فالتالي بيضعب البوند مع الاسنان ويضعف الـ tooth structure.
- الـ accident بتاعته العنيفة، اللى بتحصل لما يعدي الايبكس.
أخففه ولا لاء؟
دة بيعتمد على التركيز اللى اشتريت بية لو 5.25 متخففش واستخدام على كده، علشان التركيز دة وهوا اللي بيديلي كل مميزات الـ sodium hypochlorite.وكل ما قللنا تركيزه كل ما تفادينا أضراره في الـ accidant وإنه يأثر بالسلب على نسيج السن ويضعفة، فمن مصلحتنا نستخدم أعلى تركيز ليه هيقدر يديني مميزاته وهوا الـ 5.25%
علشان كده التركيز المثالي هوا 5.25% :
وده التركيز اللي بيديلي كل مميزات ال sodium hypochlorite بانه:
- strong antimicrobial
- tissue dissolvent.
لو قللت التركيز عن كده قدرة الـ tissue dissolving بتقل لحد ما تختفي.
أغلب منتجات الكلور في السوق المصري بيكونوا نفس التركيز ده فوقتها هتستخدم الكلور من غير تخفيف تاني.
ولكن لو تركيز الكلور اللي هتشتريه كان 7.4% فبكده علشان توصل لتركيز 5.25 هتخلط : 1 كوب کلور : 0.5 كوب ساَلين، يعني الـ saline نص كمية الكلور.
هل إستخدام الكلور لوحدي كافى؟
لازم تعرف انه استخدام الكلور لوحده غير كافي إطلاقا كـ irrigation وده علشان كذا سبب:-
- ميقدرش يشيل الـ inorganic part بتاع الـ smar layer اللى بتكون مغطيه dentinal tubule، اللى إحتمال كبير يكون جواها باكتيريا الكلور مش قادر يوصلها.
- لو إستخدمته كـ final irrigation هيعمل collapse للكولاجن وبالتالي يضعف الأسنان.
علشان كده بنحتاج irrigations تاني معاه يحل المشاكل دي.
الـ EDTA Soloution.
الـ edta هنا نقصد بيها الـ soloution مش الـ gel اللي بنستخدمها مع الـ rotary files.
تركيزها فى الاسنان بيكون %17% وبتشتريها جاهزة بالتركيز ده.
الـ EDTA Soloution ملهاش أي antibacterial effect خالص وبنستخدمها كـ cheating agent بانها بتشيل الـ inorganic part بتاع الsmear layer.
طاب اي الفايدة إنه يشيل الـ smear layer!
تخيل ان القنوات اللي بننضفها بكلور كلها متغطية بsmear layer واللي فيها بقايا الدينتين من القطع بالفايلات على كمية كبيرة جدا من البكتريا والـ smear layer قافله تحتها الـ dentinal tubules والبكتريا قاعده جواها براحتها بتتكاثر وتطلع الtoxins والكلور مش قادر يوصلها ويقتلها بسبب الـ smear layer، يبقا انتَ كده بتحكم على الاندو بالفشل.
علشان تاخد أقصى استفادة من الـ EDTA Soloution:-
- استخدم تركيز %17% علشان تاخد أقصى استفادة منها.
- اعمل activation جوه الكانال من دقيقه لدقيقتين.
- بلاش تزود اوي استخدام الedta عن كده لان ده هيأثر بالسلب على الـ tooth structure.
لازم طبعا بعدها تستخدم antimicrobial irrigant علشان تقتل البكتريا اللى تحت الـ smear layer.
انك تستخدم الكلور بعد الedta فده مش أحسن حاجه لسببين:-
- أولا انت كده بتسبب collagen fiber collapse، فيستحسن تستخدم بداله الـ chlorhexidine.
- لانهم بيحصل بينهم تفاعل كيميائي وبيطلع راسب بيقلل من كفائة انك توصل لكل البكتريا، علشان كده بتستخدم الـ saline.
فدايما إفصل بين أي إتنين irrigant مختلفين بـ saline.
الـ chlorhexidine.
بنستخدم الـ chlorhexidine بتركيز %2 وهو بيتباع جاهز بالتركيز ده.
ميزته ان strong antimicrobial ولكن برضه مش بنفس كفائة الكلور ليه ميزة كمان وهي إن ليه substantivity عاليه وهو انه بيفضل تأثيره موجود بعد الـ irrigation، بمعني بعد ما خلصت الاريجشن بيكون تأثرة الـ antibacterial موجود.
أفضل استخدام ليه هو بعد استخدام الـ edta بدل الكلور علشان نتجنب الـ collabsing of collagen fiber اللي بيسببها الكلور ونحافظ على أنسجة السن ونستفاد من ميزة الـ substintivity بتاعته.
لو خايف من الsodium hypochlorite في حالة ما .. زي ان المشكلة تكون open apex أو شاكك ان فيه perforation فتقدر تستخدم الchx بديلا عن الكلور مؤقتا ونادرا ما يحصل منه allergy ولكن فيه حالات سبب فيها .
الـ irrigation protocol.
علشان تاخد المميزات من كل irrigant هتمشي بالترتيب ده:
- طول ال cleaning and shaping هنستخدم تركيز 5.25% كلور لحد ما تخلص كل الـ shaping.
- بعد ما نتأكد من الـ apical stop وإن الـ master cone بتاعنا مظبوط هنبدأ الـ final rinse protocol.
- کلور 5 سم ونعمله activation لمدة دقيقة لكل كانال.
- نغسل بـ saline كويس.
- edta ونعمل activation لكل كانال لمدة دقيقة.
- نغسل كويس بـ saline.
- نستخدم chxx ونعمل activation لكل كانال لمدة دقيقة.
دة الـ gold standard protocol لينا ونقدر نزود الـ action بتاع الكلور باننا ندفيه سواء قبل الاستخدام أو جوه الكانال باستخدام obturation pen.
والـ activation ليه طرق كثيره منها الرخيص ومنها الغالي ولكنه لا غنى عنه:-
- أرخص طريقه manual بالـ master cone هتعمل 100 ضربة فى الدقيقه.
- أو بالـ ultrasonic tips بتعمل activation كويس وده الافضل بس غالى.
طبعا موضوع الـ activation اكبر من كدة وهاشرحة فى مقاله قادمه بالتفصيل بإذن الله.
دعواتك بصَلاح الحال والدعاء لاخواتنا فى فلسطين، وشارك المقال مع صاحبك اللى ماشي بالكلور بس كـ main irrigant وقوله فى حاجات تانية معاة.