تابعتا على قناة التلجرام!

الدليل الشامل لإختيار جهاز الـ endo motor.

أجهزه ال endo motor كتير جدا في السوق المصري وطبعا احنا بنحتار ما بين الإعلانات الكتير وش عارفين نختار متقلقش إحنا هنساعدك!
Dr dentist

 قبل ما تشتري جهاز روتاري او endo motor لازم تعرف إي الـ rotary mode الموجودة بية؟ هل هذا الجهاز يحتوي على كل أنواع الـ motion أم علي جزء منهم فقط لأن الجهاز سعرة بيزيد كلما زاد الحركات التي يتحويها كلما زاد سهر الجهاز. 

وظيفة الـ motion إنها بتساعد في عملة التحضير بشكل أسرع وآمن، بحيث يكون هناك حركات مخصصة للـ curved canal او الـ narrow canal بحيث تعطي امان للـ files إنو ما ينكسر. 

Endo motor

الحركات أو الـ motions بتاعت جهاز الروتاري؟ 

عندنا 5 مودات للحركة وكل وحدة ليها إستخدام خاص بيها وهنتطرق اليها، وهنفهمك دنيتنا إية.

Endo motor

الـ CW "clock wise"

ممكن تلاقيها بأ سماء آخري غير "CW" زي مثلا FW وتعني For-ward وممكن تكون على هيئة سهم مع عقارب الساعه، ودي حركه أساسية موجوده في جميع أجهزه الروتاري والاكثر إستخدمًا، ولكن لديها عيب وهوا إن الـ files معرضة للكسر بشكل كبير، لإن الـ file لما يخبط في الـ dentin بيكمل وممكن يتحشر وينكسر، ولذالك تم تطوير هذا الحركه فيما بعد هنذكرها لاحقــا.


الـ "CCW "counter clockwise rotation

حركه عكس عقارب الساعه، وهذة الحركه لا تستخدم فى التحضير لانها ما تأكل في الـ dentin، ولكن لها إستخدام جميل وهيا إني اوزع الـسيلير فى الكانال أو اوزع الـ inter-canal medication أو دفع الـ MTA للايبكس.

 ممكن تكون موجوده على شكل سهم عكس عقارب الساعه او بإسم RV وتعني Revere، علشان لو ملقتش الاسم الاساسي "CCW"  في الجهاز بتاعك.


الـ "REC "Receprocation

معناها هذة الحركه، إن الفايل يلف 180 درجه ولكن ليست في إتجاة واحد ولكن على حسب ما تريد انت، بمعني ممكن تظبط الجهاز إنة يلف 130 درجه مع عقارب الساعه و50 عكس عقارب الساعه ليكمل دوره كاملة، حيث أنه مع عقارب الساعه يقطع في الكانل وعكس عقارب الساعه لا يأكل وهكذا.

الزاوية المثالية 150 مع عقارب الساعه و30 مع عكس عقارب الساعه.

هذة الحركه مفيدة جدًا في حالات الـ calcified canal والـ curved والـ narrow والـ ledge وحالات الـ broken file، بحيث إنها حركه آمنة جدًا على الـ file.

ولكن من عيوب هذة الحركه انك هتاخد وقت أطول في تحضير القنوات مقارنة بالوقت اللي كنت بتاخده قبل كده، علشان الفايل بيقطع في الدنتين ببطء. 


الـ "ATR "Adaptive Torque Revers

هذة الحركه متطورة جدًا ولا توجد إلا في اجهزة الروتاري عالية السعر، ومعناها ان الفايل يتحرك بحركه مع عقارب الساعه "CW" ولكن عندما يتعرض إلى سترس عالي جدا راح يفتح نفسه ويتحرك عكس حتى يفتح ويعمل disangagment ويحرر نفسة من الـ stress، كمية التورك انتَ اللي بتحددها.

يعني مثلا انت مختار التورك 1.5 بمجرد الفايل من يتحرك ويحس بـ stress ويصعد التورك الـ 1.5 راح يرجع بالعكس ويفتح نفسه بسرعه بس من أعلي التورك اكثر الفايل معناها لازم يتعرض إلى سترس أكثر حتى يكدر يلف عكس، طول مفيش stress هوا ماشي مع عقارب الساعه.

وهذة الحركه مفيدة وأمنة وتخلصك من مشاكل الـ fracture files ولكن ليست متوفر بكل الأجهزة، فقط في الاجهزة العالية، قد تكون بمسمي آخر وهوَ "ATC "Adaptive Torque control.

الـ ATR  =  ATC  =  OTR 


الـ "EAL "electric Apexo locator

  • معناها أن جهازك الآن يعمل كـ Apex وتقدر تستخدمه في قياس طول القناة، ولكن هذا المود موجود في الاجهزة التي بها built-in Apex وتكون في الغالب غالية الثمن. 


كده كل الحركات الموجوة في اي جهاز روتاري، لو الجهاز عادي هتلاقي فية اول حركتين الـ "CW" والـ "CCW" لو متطور اكتر هتلاقي فية حركه زياده وهيا "REC".


الـ rotary mode وشرح كل منها؟ 

وظيفة الروتاري مود إنها تساعدك في جعل الشغل أسهل واسرع، ولكن معظم هذا الـ modes لا توجد إلا في اجهزه عالية السعر.

الـ apical action.

  • ومعناها إن إن الفايل أول ما يوصل الي نهاية القناة يوقف حتي لو انتَ واخد الطول غلط هيقف عند الـ apex بتاعت الروت، وممكن تتحكم في إنة لما يوصل الايبكس يقف أو يعمل Revers بحيث مياكلش في الدنتين، والميزة دي هتساعدك جدًا لو انتَ مبتدئ في علاج العصب.
  •  ولكن فية شروط علشان تشتغل الخاصية دي بطريقه صحيحه، لازم تكون حاطط الهوك بتاعتك الوصلة في الـ lip بتاعت المريض والجهاز نفسة بية apex locator أو متوصل بـ Apex خارجي من نفس الشركه. 

الـ slow down. 

  • معناها إن لما الفايل يوصل لآخر ثلث في الكانال أو يتعرض لـ stress، بيعمل على تبطئ سرعتة علشان يقلل من إحتمالية كسر الفايل او إنة يحصل apical perforation.

الـ auto start && auto stop.

  • الفايل لوحده بيشتغل لما يدخل الكانال أو يلمس الدنتين، ولما يطلع من الكانال يقف بدون الحاجه الي ضغط زر الباور.

طبعًا كلما ذاد الـ options والـ motion الموجوده في الجهاز كلما زاد سعرة، فالتالي انتَ بتدور علي ال mood اللي متقدرش تستغني عنه وتروح تشوف هل هيا موجودة في الجهاز اللى هتختارة ولا لاء؟ 


 أجهزه الـ endo motor المتاحة في السوق؟

أسعار endo motor متفاوتة بشكل كبير ولكن هناك بعض الشركات الصينية التي أبدعت فى الأجهزه واصبحت ذات جوده جيدة مع خدمه ما بعد البيع ممتازه، وعندنا أشهر شركات هما eighteeth و woodpecker و perfect-dent و Cicada.

طبعا ممكن تلاقي عند شركه واحد اكتر من خمس أجهزه روتاري هيا فقط بتستهدف فئة اكتر من الدكاتره، فئة عليا وفئة متوسطه وفئة اقل من المتوسط، كل ما تنزل في الفئة كل ما هتضحي بحاجه. 


اجهزه الـ Morita.

  • طبعا لو قدرتك المالية تسمح لا تترد في الشراء، فهيَ أجهزه ذات جودة عالية، ولكن سعرها عالي جدًا، جهاز Tri Auto Zx2 فى حدود 2500 دولار.


اجهزه شركه eighteeth.

  • فئة عالية: 800 دولار، تحتوي هذة الفئة على جهاز روتاري مع جهاز ايبكس داخلي، وهذة الاجهزة هيا +E-connect S والـ E-connect S الفرق بين الجهازين سعرة البطارية واقصي سرعه للجهاز. 
  • فئة متوسط: 300 دولار، تحتوي هذة الفئة على جهاز روتاري فقط بدون ايبكس، بيها جميع الحركات تقريبًا وهذة الاجهزه هيا E-value والـ E-connect pro والـ E-extream الفرق بين الاجهزه في السرعه واحجم البطارية والوزن، اُنظر الصوره للفهم.

Endo motor

شركه wood-pecker.

  • الفئة العالية بهذة الشركه تحتوي جهازين وهما الـ moto pex والـ Ai-motor أجهزه تحتوي علي الاوبشن مع ايبكس داخلي.
  • الفئة المتوسطة تحتوي علي أجهزة الـ endo pace الـ endo smart والـ E-com هذه الاجهزة روتاري فقط لا يحتوي علي الايبكس.

شركه الـ perfect-dent.

  • للاسف الشركه معندهاش غير جهاز روتاري وأحد وهوا wismy endo motor وينافس بشدة في الفئة المتوسطة اي أنه لا يحتوي علي ايبكس داخلي هوا جهاز روتاري فقط، كمان خدمه ما بعد البيع ممتازه واطول فترة ضمان أربع سنوات.

شركة dental capital.

  • الشركه نزلت جهاز جديد الفتره اللي فاتت اسمه endofree endo motor الجهاز بينافس وبشده في الفئة المتوسطه وبالاخص جهاز ويزمي لان فيه كل الابشن اللي فية وكمان مود ATR تقدر تتحكم في الزويا بشكل اكبر علي عكس الويزمي التحكم في الزوايا محدود.

شركه Cicada.

  • الشركه لديها جهاز روتاري basic جدًا يناسب فئة اقل من المتوسط في حدود الـ 100 دولار، واسمه Cicada endo motor ولا يحتوي إلا على حركتين فقط الـ CW والـ CCW الجهاز حلو لو انتَ ممعكش ميزانته وحابب تشتغل بروتاري، بس انتَ بتضحي بحاجات كتير فى المقابل.
دي معظم الاجهزة الموجودة بالسوق المصري، وهنرشح كل جهاز حسب الفلوس اللي معا حضرتك، فيلا بينا.

ترشيحات لاجهزه روتاري في السوق المصري؟

هذه الترشحيات تعبر عن رائي الشخصي الذي فد يحتمل الصواب او الخطاء وليس الزاما عليك الاخد بيها كما ان الترشيحات من غير اي اعلانات الاسعار بتاريخ 4 \ 2023.

 فئة الـ 20 ألف: جهاز motopex من شركه wood-pecker الجهاز عظيم ومميز جدًا وبيه جميع الاوبشن الموجودة في جميع الأجهزه الاخري مع ايبكس داخلي في الجهاز. 

فئة الـ 15 الف: جهاز الـ E-connect pro جودة الجهاز محترمه وداعم لجميع انواع الـ motion ويوجد بية خاصية ART ودي حاجه مميزه فيه، لان الحركه دي تعبير من الحركات الهامه جدا التي لا يمكن الإستغناء عنها.

فئه الـ 10 الف: -

  •  جهاز endo pace من شركه wood-pecker الداعم لحركه ATR، وتورك 0.4، مع تغير الزايا بأريحية تامة على عكس الويزمي، بالنسبه ليا هذه ميزه تشجعني إني اشترية.

  • جهاز الـ wismy بنفس الجودة ومعه خاصية OTR، ولكن تحديد الزوايا مش بأريحية تامه ومقتصر على بعض الزوايا الأساسية، ولكن خدمه ما بعد البيع ممتازه مع ضمان اربع سنوات ده شئ مميز علي عكس باقي الشركات اللي بتكون سنتين. 

فئة الـ 7 - 8 ألف: جهاز E- extreme اختيار مثالي جدًا يدعم الحركات الاساسية مع جودة محترمه، يأتي بعده جهاز endo smart من wood-pecker، الجهازين محترمين لكن فيه فرق حوالي 1000 جنية بينهم لو معاك فلوس هات الـ extreme ممعاكش انزل للـ smart مش وحش.

فئة الـ 4 - 5 ألف: الفئة دي انتَ بتدور علي جهاز يلف بس تقريبا واحسن روتاري بالسعر دة هوا الـ Cicada، فية أجهزه صيني كتير في الفئة ومعظمهم بيكون الموتور بتاعته تعبان فخلي بالك.


 إحنا مش بنفضل شركه عن شركه كلهم حلوين، زي شركات الفون مثلا سامسونج وآبل الإثنين عندهم تلفونات جامدة جدًا بس فيه حد بيحب الايفون هيروح لية وحد بيحب سامسونج هيروح لية، دي الفكره، وإسال في جروبات الفيس علي الجهاز اللي هتشترية وناس كتير هتساعدك، بالتوفيق يا دكاترة.

وأخيراً إن كنت وصلت إلى هنا وأعرتنى جزءًا من وقتك فشكراً لك، ولا تترد في إعطاء رائيك في التعليقات، انا دكتور دينتيست سلام.





Cookie Consent
We serve cookies on this site to analyze traffic, remember your preferences, and optimize your experience.
Oops!
It seems there is something wrong with your internet connection. Please connect to the internet and start browsing again.
AdBlock Detected!
We have detected that you are using adblocking plugin in your browser.
The revenue we earn by the advertisements is used to manage this website, we request you to whitelist our website in your adblocking plugin.
Site is Blocked
Sorry! This site is not available in your country.