علشان ترخص عيادة أسنان وتمارس المنهة محتاج شوية حاجات اول حاجه تسجيل العيادة بالنقابة الفرعية والتعاقد مع وحدة التخلص من النفايات الطبية وموافقة البيئة وموافقه العلاج الحر وسجل ضريبي وكل حاجه من دول ليهم اوراق خاصة بيهم وهنتكلم عنهم بالتفصيل.
أولاً : تسجيل العيادة بالنقابة الفرعية :
عيادة الأسنان اما يكون بها عدد 1 أو 2 وحدة أسنان ميزدش عن كدة، هتحتاج تتطلع شهادة تسجيل فى النقابة:-
- صوره وأصل البطاقه الشخصيه.
- صوره وأصل كارنيه النقابه.
- صوره وأصل عقد الإيجار عليه إثبات تاريخ أو التمليك موثق بصحه توقيع من الشهر العقاري أو إيصال مرافق بإسم الطبيب مع عقد التمليك:
- عقد الأيجار أقل مده هي سنتين.
- المكان يفضل ترخيصة يكون إداري مش سكني علشان ممكن بتوع العلاج الحر يرخموا عليك، بس ممكن تعدي لو سكنى وده مش اكيد وبتختلف من محافظه لمحافظة.
- دفع إشتراك النقابة لأخر سنة.
- رسم 100 جنيه معاينه تحصل للنقابة الفرعية + 900 جنية رسوم تسجيل للنقابة العامة .
- في حالة تسجيل عيادة إتنين كرسي يشترط:-
- وجود طبيب مساعد ومطلوب صورة الكارنية وصورة البطاقة وحضوره شخصياً لمقر النقابة الفرعية لإقرار موافقته .
- تحصيل مبلغ ٣٠٠ جنية إضافي لصالح النقابة العامة قيمة تسجيل الكرسي الإضافي .
يتم تحديد موعد للمعاينه في خلال 10 أيام وتتم المعاينة عن طريق عضو النقابة الفرعية للمعاينة ثم الإنتظار مدة أقصاها ١٠ أيام لصدور التسجيل .
=========================
ثانيا :- التعاقد مع وحدة التخلص من النفايات الطبية الخطرة (المحرقة):-
التوجه لمديرية الشؤون الصحية التابعة لمحافظتك لتقديم طلب التعاقد مع المحرقه بمبلغ 250 جنية (الدفع في الخزنة قبل الساعة الثانية عشر ظهراً).
الأوراق المطلوبة :
- صورة البطاقة .
- صورة كارنية النقابة .
- صورة تسجيل العيادة بالنقابة .
- صورة عقد الإيجار عليه إثبات التاريخ أو عقد التمليك عليه صحة التوقيع أو عقد تمليك مع إيصال مرافق بإسم الطبيب .
دى صور وخد والأصول معاك للإطلاع.
إستلام تعاقد المحرقة وإيصال تداول النفايات الطبية الخطرة خلال ١٠ أيام ومعه خطاب موجه لإدارة صحة البيئة.
............. ................... ............... ................
ثالثاً موافقة البيئة:
التوجه لإداره صحه البيئه في مقر محافظتك وتقديم طلب تقييم الأثر البيئي ومعه دوسيه به الأوراق المطلوبة :
- أصل الخطاب الموجه من مديرية الشؤون الصحية (وحدة التخلص من النفايات الطبية الخطرة ) لإدارة شؤون البيئة بديوان عام المحافظة.
- عدد ٢ صورة تسجيل المنشأة الطبية بالنقابة.
- عدد ٢ صورة كارنية النقابة للطبيب.
- عدد ٢ صورة البطاقة الشخصية للطبيب
- عدد ٢ صورة تصريح مزاولة المهنة للطبيب.
- عدد ٢ صورة للبطاقة الضريبية .
- عدد ٢ صورة رسم كروكي أو هندسي للعيادة علي روشتة (لاتحتاج مكتب هندسي ).
- عدد ٢ صورة من التعاقد مع وحدة التخلص من النفايات الطبة الخطرة (عقد المحرقة ).
وخد والأصول معاك للإطلاع.
تقديم الملف وإستلام جواب من المحافظة إلي إدارة شؤون البيئة في الحي التابع ليه العيادة والتوجه للحي بالجواب لتحديد ميعاد معاينة.
وإنهاء المعاينة والتواصل مع المحافظة حتي يتم تحديد ميعاد دفع قيمة ٥٠٠ جنية بمقر وزارة البيئة ثم إنتظار عودة الملف للمحافظة وإستخراج ترخيص موافقة البيئة علي فتح العيادة.
................ ................ ............... ...............
رابعاً إصدار ملف ضريبي وبطاقةضريبية:
التوجه إلي مكتب الضرائب التابع ليه العيادة وتقديم طلب فتح ملف ضريبي ومقابلة المختص وتحديد ميعاد للمعاينة وإجراء المعاينة ثم تجهيز الأوراق المطلوبة :
- صوره عقد الإيجار عليه إثبات تاريخ أو التمليك موثق بصحة توقيع أو إيصال مرافق بإسم الطبيب.
- إيصال كهرباء.
- رسم كروكي للعيادة.
- روشتات بيضاء.
- صور البطاقة.
- صورة كارنية النقابة.
- صورة تسجيل العيادة في النقابة.
مقابلة الموظف المختص والإجابة علي بعض الأسئلة ثم إنتظار إصدار البطاقه الضريبيه خلال 15 يوم.
خامساً خطوة العلاج الحر :
يتم التوجة الى مقر العلاج الحر التابع لك وتقديم الأوراق المطلوبة :
- عدد ٨ روشتات لكتابة الإقرارات.
- صورة شهادة أخصائي أو إستشاري (إن وجد ).
- صورة تسجيل المنشأة الطبية بالنقابة .
- صورة كارنية النقابة للطبيب .
- صورة البطاقة الشخصية للطبيب .
- صورة تصريح مزاولة المهنة للطبيب .
- عدد ٢ صورة بطاقة لكل العاملين بالعيادة.
- صورة للبطاقة الضريبية .
- رسم كروكي أو هندسي للعيادة علي روشتة (لاتحتاج مكتب هندسي).
- صورة من التعاقد مع وحدة التخلص من النفايات الطبية الخطرة (عقد المحرقة).
- صورة إيصال تداول النفايات الطبية الخطرة .
- موافقة إدارة شؤون البيئة.
- صورة عقد الإيجار عليه إثبات تاريخ أو التمليك بصحة توقيع أو مع إيصال مرافق بإسم الطبيب.
- بيان بالتجهيزات الطبية للعيادة علي روشتة.
- صورة من أخر مؤهل دراسي حاصل عليه الطبيب.
- صورة فوتوغرافية للافتة.
- ١٠و٣ دمغة عادية من البريد.
وخد والأصول معاك للإطلاع.
يتوجه الطبيب بشخصه للإمضاء علي الإقرار ويتم تسليم الملف ومتابعة ميعاد المعاينة وبعد إنهاء المعاينة إنتظار خطوة الموافقة الأمنية وبعدها صدور شهادة ترخيص العيادة بالعلاج الحر.
.............. ............... .................... ....................
وبس كدة تقدر تمارس المهنة
ملاحظات.
- عشان تاخد ترخيص للعيادة لازم هيطلب من حضرتك ورقة من التلاته:-
- سنتين بعد التخرج وفيه إدارات علاج حر بترخم وتقولك سنتين بعد التكليف.
- تنازل عن بدل طبيعة العمل من مفردات مرتبك.
- تكون طبيب حر وده بيحصل لما بتنازل عن التكليف لما يتم صدور قرار التكليف.
يعني كده لازم تستنى لما تستلم التكليف؟
لا مش لازم انتَ ممكن تفتح عيادة من غير ترخيص و دة طبعا مخالف للقانون ولما يجيلها العلاج للحر تبدأ تمشي في الاجراءات ومع أول إجراء بتفتح العيادة تاني لحد ما تكمل بقية الاجراءات.
- ممكن توكل محامي يقوم بكل الأوراق دي عنك، لو انتَ مش عايز بهدله ولف كتير.
- ابدأ في التراخيص قبل ما تفتح العيادة عادي علشان الوقت، بس وقت المعاينه محتاج العيادة تكون جاهزة.
- ممكن الرسم الكركي للعياده يقولك انا عايزه مختوم من مكتب هندسي ويعند معاك، ووممكن تلاقي فى العلاج الحر موظفين بيخلصوا الحورات دي.
- الرسوم بتاع التراخيص مش ثابته وعلى حسب المكان وهل هوا كبير ولا لاء، بس المتوسط بيكون ٥٠٠٠ جنية.
- الاوراق دي ممكن تتخلتف من محافظه لمحافظة المقالة دى مش كتالوج ثابت.
وبالتوفيق يا دكاترة وربنا يفتح لكم باب الرزق من وسع ويزقكم بالحلال، ومتساش تشارك المقال مع زمايلك ممكن تكون سبب فى إن يفكر يفتح عيادة وبالتوفيق، دكتور دينتيست طب الأسنان بطريقة بسيطة.