ترشيحات السينسورز في السوق المصري! دكتور دينتيست
مبدأيا كده قبل ما تشتري حاجه لازم تعرف مميزاتها، فإنتَ إزاي تميز سينسور عن التاني، ف هيا بنا نبدأ رحلة البحث عن السينسور المثالى!
ازاي تختار السينسور المناسب ليك!
مبدأيا علشان نعرف السينسور ده كويس ولا لاء عندنا 5 حاجات هنبص عليها في كل سينسور علشان تعرف تقيمه وهما الـ resolution والضمان والـ size والـ thickness وإختبارات التحميل وهنزود عليهم سمعه الوكيل وخدمه ما البيع.
أولًا الـ resolution!
عندنا ٣ انواع للجودة الـ UlteraHD والـ HD والـ Classic ووحدة قياس جودة السينسور بتكون Ip/mm هتلاقيها مكتوبة كده فى خواص السينسورز.
الـ HD بيكون في معظم السينسورات غالبًا وبيكون 25Ip/mm وبالتالي كواليتي كويسة ولكن كل أما الرقم يقل كل ما الكواليتي هتقل وهتخش فى فئة الـ Classic، ولكن خلينا متفقين إن دا سينسور فمهما الكواليتي تقل هو برضه سينسور وتقدر تشخيص بية وأحسن من الافلام العادية.
- في بعض الاحيان الاخري بيكتب الـ resolution تحت اسمين مختلفين:-
- اولا: Dynamic range =16 bites
- ثانيا :Actual resolution =12-14 Ip/mm
وهيا نفس الفكره كل ما الرقم ذات كل ما كان أفضل.
ثانياً الـ Size:-
إختيار ال size مهم جدا ومن الحاجات المريحه للدكتور قبل المريض، الفيلم العادي بيكون soft وبيحصل له adaptation علي الtissues في فم العيان وده عكس السينسور بيكون rigid وصعب تعمل adaptation.
ف بعض الشركات بيحاولو مثلا إنهم يخلو الـ borders بتاعته round أو curved edges بحيث ميضايقش المريض بس يظل فكره الـ adaptation صعبة ولازم تختار حجم مناسب.
عندنا قاعده بتقول (كل اما الحجم زاد كل ما كان مريح للدكتور كل ما كان مش مريح للمريض)، بمعني size 1 مريح جدا للمريض ولكن الدكتور علشان ياخد اكس راي مظبوطه ممكن يقعد ياخد 3 أو 4 صور وعلي العكس size 2.
الـ Size 1: وده بيدي مساحة 2 molars تقريبا فلو عاوز تصور مساحه اكبر من كده مش هيسعفك، وهتظطر إنك تاخد كذا صوره، مره بالطول ومره بالعرض ومره periapical وهكذا، فده متعب للدكتور لكنه مريح للمريض.
الـ 2 Size: يكاد يقترب من حجم الفيلم العادي او اكبر قليلا لكن مشكلة ان السينسور نفسه rigid فالحجم ده بيضايق كتير من المرضي عامتاً ممكن تظبط الـ position بتاع البيشنت وبتاع الcone وتدخل بالسينسور تاخد اللقطه بسرعه وبقا فية تتطور في السينسور بيخلك تاخد اللقطه في 3 ثواني بس.
الـ (1.3) و (1.5) Size: الحجم ده مناسب ليا ومريح للمريض ولكن في بعض الملاحظات، ان السينسورز اللي بالحجم ده الـ resolution بتكون اقل من size 1 و size 2 لدرجه النصف اللى بهذا الحجم، يعني اعلا سينسور جودة في الحجم ده بيكون الـ X sensor بـ 20bite ويلية سينسور xpect vision بـ 16bites وبعده بقا nanopixe بيكون Classic أصلا مش hd اصلا، فلو هتختار سينسور من الحجم دة ركز علي الجوده.
ثالثاً الـ thicknes:-
الاقل سمكا هوا الاكثر راحه للمريض، خاصية مش مهمه قوي من وجهه نظري لإن أقل thickness في السوق 4.4mm واعلى thickness بيكون 5.5mm فالفرق مش كبير بيحث أختار بناً علي الـ thickness.
رابعاً الضمان:-
معظم السينسورز الموجودة في السوق بتكون ضمان سنتين، بس فية ناس بتحب تختار الضمان لاطول فترة ممكنه، ساعتها ممكن يتجه للـ X sensor بضمان 5 سنوات.
خامساُ إختبارات التحمل:-
كل شركه بتعمل إختبارات للسينسور بتاعها بحيث ومن أشهر الاختبارات دي بتكون:-
- إختبار المقاومه للماء والتراب
- واختبار تني السلك او الـ bending test.
- واختبار السقوط من مسافه عالية.
كل الشركات بتعمل اول إختبار والنتيجة واحدة والاختبار التاني المعظم بيعملة وبتختلف النتيجه من شركه للتانية ممكن سلك باظ عند 80 الف وواحد تانية عند 100الف واختبار السقوط متعملش غير علي سينسور الـ Xpect vesion فقط وده ميزة لية.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ترشيحات السينسور في السوق المصري!
وبعد ما عرفت المميزات وإزاي تقيم كل سينسور لازم تحدد انتَ ميزانيتك كام! علشان تدور في الفئة اللي تناسبك، بدل ما تقارن سينسور ب 90 الف بواحد تاني ب 50 الف طبيعي ابو 90 هيكسب، مقارنة غير عادلة.
فلذلك إحنا عندنا اربع فئات للسينسورز فئة الـ 90 الف وفئة الـ 70 الف وفئة الـ 50 الف وفئة الـ 40 الف، اقل من المبلغ ده مش هتعرف تشتري حاجه للاسف! ركز معايا ويلا بينا.
الفئات متسعرة على أسعار سهر 1 / 2024 ممكن تقل كام الف تزيد كام الف في الرينج ده، انت عارف كل فئة بأجهزتها.
الفئة العالية وهيا معدين الـ ٩٠ الف جنية!
حرفيا إنت مش قلقان علشان كل الاختيارات في الفئة دي ممتازه وحرفيا انتَ هتاخد افضل جوده في السوق.
الـ Vatech sensor:-
ناس كتير بتشكر فيه وفيه من نوع classic ونوع HD بجودة عالية، وهيكون اختيار ممتاز لو معاك فلوس وحابب تصرف، عندي كومنت على الوكيل سمعته مكنتش احسن حاجه بس اخر كام سنه بداء يتحسنوا في خدمه ما بعد البيع بشهاده معظم الدكاترة.
- الوكيل: شركه Vatech Egy.
- الضمان:سنتان "معلومه مش مؤكده"
- الـ size: فية size1 و size2.
- الـ resolution: للنوع الـ HD بيكون 33.78lp/mm وده اعلى جوده في السوق، والنوع الـ classic مش متوفر معلومات.
- الـ thickness: بيكون 4.8mm.
- السوفت وير بصراحه جميل وفية مميزات كتيرة والدكتور احمد صاحب قناة الكربول كان عامل ريفيو عنه فيديو جميل تقدر تشوفة من هنـــــــا.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ fona sensor:-
شركه fona من الشركات المحترمه اللي عندها كوالتي محترمه، الشركه إيطاليا وعندها أجهزه x-ray كويسة ومشهورة في السوق، بس للأسف الـ review بتاع السينسور قليل على مواقع التواصل الاجتماعي علشان السينسور فئة عالية ولسا نازل بقالة 3 سنوات.
- الوكيل: شركه Mednotch.
- الضمان: الشركه بتقول الضمان عام بياخد السينسور منك يودية إيطاليا ويبعتلك سينسور بديل لحد ما يتصلح.
- الـ size: بيكون size 1 ولا size 2.
- الـ resolution: بيكون 25Ip/mm .
- الـ thickness: مفيش معلومه متاحه عند الوكيل.
- الـ edge بتكون round للراحه المريض.
- متاح تغير السلك لو انقطع، الوكيل اخبرني إنه مجاش لية المشكله دي من اول ما السينسور ظهر في السوق.
فبصراحه لو إنتَ بتفكر في الفئة دي، الـ vatech ممتاز وهيسد معاك، جودة وسويت وير محترم، بس لو مقلق من وكيل Vatech الـ fona إختيار رائع كذالك.
الفئه المتوسطة العاليا فوق الـ 70 الف جنية.
الفئة دي جميلة برضو، وانت لسا بتشتري حاجه بكوالتي محترمه تعيش معاك، الفرق في الجوده بيه الفئة دي وفئة ال 90 الف مش كبير حوالي مثلا من 5 الى 10 % وشوف فرق السعر بالنسبة ليك هل يستاهل ولا لاء!
الـ New IDA:
السينسور جميل والكوالتي جميلة صناعة برازيلي، بس عيبة السلك مش قوي كفاية فخلي بالك وانتَ بتستخدمه بس الشركه بتقدم خدمه تغير السلك، وكمان السوفت وير مش احسن حاجه، بس الكواليتي جميلة جداً.
- الوكيل: شركه Dental SHOP Egypt.
- الضمان: 2 سنتان.
- الـ size: متوفر size1 و size2
- الـ resolution: بيكون HD بقياس 25IP/mm.
- الـ thickness: مش متوفر معلومات لدي الوكيل.
- متاح إمكانية تغير السلك فى حاله انقطع او تلف.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ we sensor:
الجهاز مبقلوش كتير فى السوق المصري، إنتاج شركه كورية والريفيو عنه قليل بس كل الريفيوهات بتشكر فيه الصراحه، الـ dose بتكون صغيره والصورة بتطلع أسرع وبفرق ملحوظ عن الأجهزة الصينية.
- الوكيل: شركه Sinirgia Doctor Scope Egypt بتاعته لوب دكتور سكوب وايبكس دكتور فايندر.
- الضمان: 3 سنوات شامل عيوب الصناعه وثبات الجوده.
- الـ size: متاح size 1.5 و Size 2.
- الـ resolution: الـ Size 2 بيكون HD بقياس 25IP/mm والـ size 1.5 الوكيل بيقولي انه نفس الجوده بس انا مش مصدق الصراحه.
- الـ thickness: مفيش معلومه متاحه.
- متاح تغير السلك مجانا لو اتقطع وهوا داخل الضمان.
- السعر كاش غير متاح التقسيط، فيه شركات بتقسط وبتزود تقريبا 10% ممكن تسال الوكيل.
الجهازين حلوين الصراحه ولو إخترت حاجة فيهم حرفيا مش هتندم من حيث جودة الصورة، كلم وكيل كل واحد منهم واعرف خدمات ما بعد البيع وإسال فى جروبات الفيس والوكيل اللى سمعته كويسة اشتري منه.
الفئة المتوسطه 55 الف جنية.
الفئة دي اكتر فئة فيها خناقة ومنافسة بين الشركات، والشركات الصينيه مكتسحة الفئة دي، فركز معايا ويلا بينا.
الـ Nanopix:-
حاليا هوا الافضل فى الفئة دي من حيث جوده الصورة، والسوفت وير بس هوا أغلي واحد في الفئة دي، وخلي بالك في سينسور Nanopix E ده واحد تاني غير دة هاتكلم علية الفئة الجاية.
- الوكيل: TDS
- الضمان: 3 سنين.
- الـ size: بيكون (1) & (2)
- الـ resolution: بيكون HD.
- الـ thickness: بتكون 4.4 mm.
- مقاومة التراب والماء بمعيار (ip68) والـ bending test حوالى 80,000 مرة.
- تغيير السلك لو باظ متاح عند الوكيل.
- تقدر تاخد الصورة فى 3 ثواني علشان لو بتفكر في size 2 بحيث ميضايقش المريض فترة طويلة.
يعتبر اختيار مثالي لو يهمك الجوده في المقام الاول في الفئة دي، كمان الوكيل سمعته كويسة بشهاده بعض الزملاء على مواقع التواصل الاجتماعي.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ I sensor
تاني أحسن سينسور جوده في الفئة دي، فرق مش كبير بينة وبين نانوبيكس وارخص منه بحوالي 5 تلاف جنيه.
- الوكيل: شركة قنديل أو Dental capital أو شركة دان دنتال وخلى بالك الأسعار مش واحدة وبتختلف من وكيل للتاني فإسال كل وحد فيهم.
- الضمان: بيكون سنتين.
- الـ size: بيكون (1) & (2)
- الـ resolution: بيكون HD فى حدود 25 Ip/mm
- الـ thicknes: بيكون mm4.4.
- مقاومة التراب والماء (ip68) والـ bending test كان80,000 مرة.
- تغيير السلك لو باظ أو انقطع متاح عند الوكيل.
- السينسور الـ edge بتاعته curved علشان ميعملش injury للبيشنت وكمان السينسور بيقدر ياخد الصور في 3 ثواني.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ K sensor.
السينسور ده كان ظهر قبل الـ I sensor ونفس الموصفات بس كان أرخص شوية بحوالي 5 تلاف، الاختلاف بينهم في الاسم فقط، شوف الارخص ما بينهم وهاتة.
- الوكيل: Dental capital.
- الضمان: بيكون سنتين.
- الـ size: بيكون (1) & (2)
- الـ resolution: بيكون HD فى حدود 25 Ip/mm
- الـ thicknes: بيكون mm4.4.
- مقاومة التراب والماء (ip68) والـ bending test كان80,000 مرة.
- تغيير السلك لو باظ أو انقطع متاح عند الوكيل.
- السينسور الـ edge بتاعته curved علشان ميعملش injury للبيشنت وكمان السينسور بيقدر ياخد الصور في 3 ثواني.
- تقدر تشرية كاش اوتقسيط من عند الوكيل والسعر واحد.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ Xpect vesion
جوده الصورة في الـ Xpect vesion اقل من النانوبيكس والـ I sensor ولكن يخلتف عنهم فى إن الـ Xpect الحجم بتاعه 1.5 وتحمل الصدمات.
- الوكيل: clinic store.
- الضمان: 3 سنوات.
- الـ size: حجم واحد ونص فقط (1.5).
- الـ resolution: بتكون HD وقياسها 16 bites.
- الـ thickness: بيكون 5mm.
- مقاوم للماء والتراب بمعيار (ip68) ومقاوم للتني الـ bending test كان 100,000 وده أعلى نسبة في الماركت.
- الـ drop test: يعني لما يوقع من ارتفاع متر ونص ما يجرالوش حاجه، الشركه الوحيده اللى عملت الاختبار دة.
- تغيير السلك لو باظ: متاح عند الوكيل.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ X Sensor
من الأجهزة المحترمه صاحبة size 1.5، واطول فترة ضمان ولكن مش متوفر في السوق وهتتعب شوية أما تلاقيه، ولكن رغم صعوبة توفرة الإ إن مواصفاته جميلة، الجوده طبعا اقل من Nanopix وال i sensor ولكن افضل من الـ Xpect vesion.
- الوكيل: شركه Truedent.
- الضمان: بيكون 5 سنين
- الـ size واحد ونص1.5
- الـ resolution: بيكون HD بقياس 20Ip/mm
- الـ thickness: بيكون 4.4mm
- مقاومة التراب والماء (Ip68) والـ bending test كان 70,000
- تغيير السلك لو باظ متاح عند الوكيل، وكتابين في موصفات السينسور إن السلك مضاد للصدمات وعلية silicon cover.
- بيقدر ياخد صورة فى 2.5 ثانية.
- تقدر تشرية كاش اوتقسيط من عند الوكيل والسعر واحد.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفئة دي اكتر فئة فيها منافسة، فحضرتك اللي هتقدر تقرر إنتَ هتشتري اى:
- يعني مثلا حضرتك مش فارق معاك الحجم وعايز اطول فترة ضمان ساعتها هتفكر في I sensor أو X sensor.
- لو الحجم فارق معاك وعايز size 1.5 يبقا هتروح للـ Xpect vesion او X sensor.
- عايز سينسور يستحمل الصدمات هتفكر فى ال Xpect vesion.
- عايز جودة كويس فى الفئة دي هتروح Nanopix.
واخيرًا سمعة الشركه وخدمة ما بعد البيع، من اهم الحاجات اللى تحطها في إعتبارك وانت بتشتري، إسال في جروبات الفيس وكلم دكاترة اشتروا السينسور اسالهم على خدمه ما بعد البيع وكده تقدر تحتار السينسور اللي انت محتاجه، من غير إعلانات ولا حاجة.
الفئة الاقل 40 الف جنية.
الاختيار في الفئة دي مبني علي سمعه الوكيل لان معظم السينسورز في الفئة متقرابة جدا في المواصفات، فانت دور علي الوكيل وسوف تجارب وخدمه ما بعد البيع وتوكل علي الله.
الـ Xp dent
النسخة الـ lite من سينسور الـ Xpect vesion، ويظل أفضل خيار فى الفئة السعرية من حيث الجودة وال size 1.5 باقي السينسورز يا بتكون 2 أو 1.3
- الوكيل: شركه LZ Medical
- الضمان: سنتان.
- الـ size: بيكون 1.5
- الـ resolution: بيكون 15ip/mm
- الـ thickness: بيكون 4.8mm.
- متاح تغير السلك لو انقطع، وكلم الوكيل اتاكد منه على النقطة دي.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ Handy sensor:-
- الوكيل: شركه Artechl.
- الضمان: بيكون سنتين.
- الـ size بيكون (1.3) أو (2).
- الـ resolution: الحجم الاصغر classic والـ size 2 بيكون 16 bite.
- الـ thickness: بيكون 6mm.
- مقاوم للماء والتراب بمعيار (ip68) والـ bending test مفيش معلومه مؤكده.
- تغيير السلك لو باظ: متاح عند الوكيل.
- تقدر تشرية كاش اوتقسيط من عند الوكيل.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـ Nanopix E
- الوكيل: TDS
- الضمان: سنتين
- الـ size: بيكون (1.3)
- الـ resolution: بيكون Classic للأسف مش HD.
- الـ thickness: بتكون 4.8mm.
- مقاومة التراب والماء بمعيار (ip68) والـ bending test مفيش معلومات من الوكيل.
- تغيير السلك لو باظ: متاح عند الوكيل.
نصائح قبل ما تشتري!
إختيار السينسور بيكون إعتماد على شوية مميزات وأهم المميزات اللي تاخد بالك منها هيا سمعة الشركه وخدمة ما بعد البيع، ثم بعد كدة بتيجي الحاجات التانية زي الضمان وحجم السينسور وسعرة وإمكانية التقسيط.
ولو انتَ بتجهز عياتك كان فية مقالة بتتكلم عن إزاي تختار اليونت بتاعتك، والاتوكلاف! فيه ترشيحات للأجهزه المحترمه في السوق من غير إعلانات وتوهان.
واخيرًا لو صلت لحد هنا فأنا ممتن ليك جداً وباشكرك وتقدر تتابعنا على بيدج الفيس وقناة التلجرام علشان يوصلك كل مقالاتنا ونقدر نفيدك بكل جديد، أنا دكتور دينتيست، سلام.