كتير من خريجي كليات طب الأسنان في مصر والعالم العربي بيدوروا على فرصة يكملوا تعليمهم العالي في جامعة معتمدة وبتقدم برامج متخصصة. هنا بييجي دور ماجستير طب الأسنان جامعة المستقبل اللي يعتبر من البرامج القوية سواء على المستوى الأكاديمي أو العملي، وكمان معتمد برا مصر.

في المقال ده هنعرض كل التفاصيل: الشروط، المستندات المطلوبة، مدة الدراسة، الأقسام المتاحة، والتكاليف.

شروط القبول في ماجستير طب الأسنان جامعة المستقبل

• الحصول على تقدير عام جيد على الأقل، وتقدير جيد جدًا في مادة التخصص.
• مرور سنتين بعد سنة الامتياز قبل التقديم.
• شهادة مزاولة المهنة شرط أساسي.
• شهادة معادلة المجلس الأعلى للجامعات لخريجي الجامعات الخاصة.
• اجتياز امتحان اللغة الإنجليزية (ممكن بعد القبول) ال TOEFL بدرجة 450 أو IELTS بدرجة 7

المستندات المطلوبة للتقديم في ماجستير طب الأسنان جامعة فيوتشر؟

المستندات المطلوبة، عشان تقدم على ماجستير طب الأسنان جامعة المستقبل هتحتاج:

• أصل شهادة التخرج + كشف الدرجات التفصيلي.
• أصل شهادة الامتياز.
• صورة من كارنيه النقابة.
• أصل شهادة الميلاد + صورة من البطاقة.
• أصل موقف من التجنيد (للذكور).
• عدد 4 صور شخصية.
• شهادة المعادلة (للجامعات الخاصة).

📌 التقديم بيبدأ عادة من شهر 8، والجامعة بتتواصل مع المتقدمين لو فيه فتح للأماكن، ويوجد رقم هاتف أرضي للاستعلام: 0226186100

الأقسام المتاحة، ومدة دراسة الماجستير بجامعة فيوتشر؟

برنامج ماجستير طب الأسنان جامعة المستقبل بيستمر لمدة 3 سنوات كاملة (6 ترمات).الأقسام المتاحة:- 

• تقويم الأسنان.
• طب أسنان الأطفال.
• الصحة العامة وطب الأسنان الوقائي.
• جراحة الفم والوجه والفكين.
• تجميل وترميم الأسنان.
• علاج الجذور.
• الاستعاضة الصناعية للأسنان.
• المواد الحيوية.

تكلفة دراسة ماجستير طب الأسنان جامعة المستقبل؟

الرسوم بتُحسب لكل تيرم (والماجستير كله 6 ترمات):

• تقويم الأسنان: 51,300 جنيه – 3,500 دولار للوافدين.
• طب أسنان الأطفال: 45,125 جنيه – 2,900 دولار للوافدين.
• الصحة العامة وطب الأسنان الوقائي: 32,900 جنيه – 2,700 دولار للوافدين.
• جراحة الفم والوجه والفكين: 45,125 جنيه – 2,900 دولار للوافدين.
• تجميل وترميم الأسنان: 45,125 جنيه – 2,900 دولار للوافدين.
• علاج الجذور: 45,125 جنيه – 2,900 دولار للوافدين.
• الاستعاضة الصناعية للأسنان: 45,125 جنيه – 2,900 دولار للوافدين.
• المواد الحيوية: 32,900 جنيه – 2,700 دولار للوافدين.

بعد القبول وقبل إعلان النتيجة النهائية بيكون في مقابلة شخصية مع المتقدم للرئيس القسم، وبتكون حاجه روتينية كده وخلاص ومعظمها بتكون اسئلة شخصية:

• تقديرك في البكالوريوس.
• خبراتك بعد التخرج.
• إذا كنت شغال حاليًا ولا لأ.

والنتيجة بتظهر في شهر 9 وبيتم التواصل معك في حاله نجاحك.

هل ماجستير طب الأسنان جامعة فيوتشر معترف بية في دول الخليج؟ 

نعم هذة الجامعة الخاصة الوحدة اللي خرجت دفعات وسافرت وعدلت وضعها في دول الخليج وتم منح خريجها لقب أخصائي بسهولة.

لو ناوي تسافر برا مصر وعايز جامعه خاصة تكون مضمونه في انك هتعرف ترخيص أخصائي وميكونش فية اي خلافات على الاعتراف، يبقى ماجستير طب الأسنان جامعة المستقبل اختيار مناسب. الماجستير 3 سنين، تخصصاته متنوعة، والتكاليف واضحة من البداية وأخيرا انا دكتور دينتيست سلام.