تعرف على معادلة طب الاسنان في الامارات؟
علشان تسافر الامارات وتعمل معادلة طب الاسنان في الامارات لازم يكون عندك سنتين خبرة بعد التخرج من ضمنها سنة الامتياز وبعد كده تحصل على ترخيص مزاولة المهنة في الامارات واللي ليها خطوات وبتكون كالتالي:-
- التسجيل في موقع الصحه التابع للإمارة.
- عمل الداتا فلو.
- النجاح فى امتحان البرومترك.
- الحصول على ترخيص العمل في الإمارات.
الأوراق دي مطلوبة منك لازم تكون مجهزها علشان هتحتاجهم:-
- شهادة التخرج.
- شهادة الامتياز.
- بيان الدرجات.
- كارنية النقابة (ترخيص مزاولة المهنة)
- شهادة حسن سير وسلوك لم يتعد تاريخ صدروها 6 اشهر.
كل الورق باللغة الإنجليزية ما عدا كارنية النقابة يكون بالعربي عادي.
خلى بالك كل إمارة في الإمارات ليها ترخيص خاص بيها ولازم تمتحن البرومترك الخاص بالإمارة دي علشان تاخد الترخيص والأمارات ليه 3 امتحانات:
- ابو ظبي (HAAD - DOH).
- دبي (DHA-PROMETRIC).
- الامارات الشمالية (MOH-PROMETRIC).
و كل امتحان منهم مختلف تماما عن التاني، بس طريقة التقديم تقريبا متشابهة، ما عدا ابوظبي شوية معقدين في التقديم والورق المطلوب و التصريح أو الموافقة الأمنية.
كيفية الحصول على ترخيص دبي؟
احنا هنتكلم على دبي لان دي الامارة الوحيده اللي ممكن تمشي في إجراءات الداتا فلو مع اجراءت الترخيص وحجز الإمتحان كمان وتخلص الدنيا سريعا وتسافر.
ولو انت عايز تنفل إمارة تانية بيكون سهل هوا بس تلاقي عقد عمل وتقعد فية 6 شهور وبعد كده بتاخد شهادة حسن سير وسلوك وبتقدم تعديل للترخيص في الإمارات الاخري من غير امتحانات، نتكلم بقا في خطوات الترخيص كطبيب أسنان في دبي؟
التسجيل في موقع صحه دبي (DHA).
- هنعمل أكونت علي موقع شريان وده الموقع اللي هنعمل من عليه كل حاجه حرفيا من الداتا فلو لحجز الامتحان.
- وهتلاقي بعد التسجيل ظهر صفحة فيها Aurthorize sheryan اضغط عليها وبعد كدا نضغط علي Explore.
- وبعد كده بيفتح صفحه بنختار self Assessment TOOL ونقف هنا شوية.
ال self Assessment TOOL بتديك اسئله تجاوب عليها علشان تتاكد في الاخر مسموح ليك التقديم في الأمارات ولا لا ودي اهم حاجه زي جنسيتك؟ جامعتك؟ بيتقدم على امتحان دكتور أسنان عام ولا اخصائي ولا استشاري؟ إسم جامعتك؟ سنة التخرج؟ إشتغلت فين؟ وبعدها هيقولك انت مؤهل او غير مؤهل.
ولو انتَ مؤهل هيقولك مطلوب منك الأوراق دي (اللي اتكلمنا عنها فوق) بعدها بترفع الاوراق المطلوبه.
الداتا فلو لاطباء الاسنان بدبي؟
بدخل علي صفحة الداتا فلو من نفس موقع شريان عشان كل جهة ليها موقع داتا فلو خاص بيها مختلف عن الهيئة الأخرى ونعمل اكونت علي موقع الداتا فلو و نرفع الاوراق المطلوبه.
لما بنعمل الاكونت وترفع الورق بيطلعلنا حاجه اسمها DHA Unique ID وده مهم جدًا بتحتاجه وانت بتحجز امتحان البرومترك لدبي.
بعد ما بنعمل الاكونت للـ data flow بيتفتح معانا كذا صفحه لادخال البيانات و بنرفع الاوراق:-
- أول صفحه بندخل البيانات الشخصيه و صورة جواز السفر و هكذا.
- تاني صفحه هندخل شهادة التخرج و بيان الدرجات و بياناتك الجامعية زي سنه التخرج و اسم الجامعه و ايميل الجامعه و عنوان الجامعه و ركز جامد في البيانات دي لازم تكون صحيحة 100%
- تالت صفحه كارنية النقابة
- رابع صفحة هندخل فيها شهادة الامتياز و شهادات الخبرة
- خامس صفحة شهادة حسن السير و السلوك
- سادس صفحة بيكون اوقات طالب LOG BOOK بس مش اساسي
- اخر حاجه بتعمل REVIEW علشان تراجع بياناتك
والتكلفة الاجمالية للداتا فلو هتكون في حدود الـ 1800 ريال، وممكن تخلى مكتب او شركه تعملك الخطوة بدل ما تصدع دماغك في التقديم وغيرة.
امتحان البرومترك الإمارات (إمارة دبى) !
الامتحان بتعملة على كمبيوتر وفي اي وقت في السنه مش شرط شهر معين وبيكون عبارة عن اسئلة mcq وانت بتختار الاجابه الصحيحه علشان تحجز الامتحان:-
- بندخل علي موقع الامتحان من موقع شريان (موقع صحة دبي) وبتضغط على لينك كدا اسمه Generate Eligibility
- بتاخد منها حاجه اسمها الـ Eligibility ID وبتدخل بعدها علي الموقع بتاع البرومترك و يفتح معاك و تحجز موعد للأمتحان.
هنا هنحجز علي دبي بردو طب ليه دبي .
هتقولي طب انا يا دكتور عايز أشتغل في الامارات التانيه جميل لما تخلص كل حاجه وتاخد الرخصه وتفعلها لازم تلاقي شغل اول ما تبدا الشغل بيبدا يتعدلك فتره اول ما تقفل 6 شهور عمل في الاماره تقدر بعد كدا تعمل نقل ترخيص لباقي الامارات من غير إمتحانات ونقل الداتا ولو إنطلب وبيكون بتكلفة بسيطة ومن غير اي تعقيدات.
مصادر للمذاكرة لإمتحان برومترك الامارات؟
افضل مصدر للمذاكرة للـ prometric UAS هو منصه e dental portable سعر الاشتراك الشهر بسيط مقارنة بالمعلومات والاسئلة اللي هتاخدها من المنصه.
كمان ملف رفيع المقام فية اسئلة كتير جدًا عن البرومترك، وكمان دي خطة مذاكرة للبرومترك هيا مخصصة للسعوديه بس الاسئلة في معظم الاحيان بتكون متقاربة لو متقدرش على اشتراك المنصة تقدر تذاكر منها.
مكان إمتحان البرومترك؟
الامتحان ممكن تمتحنة في الإمارات وممكن تمتحن في مصر، والامكان في مصر هيا:-
- الجيزة في شارع محي الدين ابو العز بتوصله بالمترو قريب من محطة البحوث.
- ومكان في الاسكندرية American center شارع الشريف.
اخر حاجه بعد تنجح في الامتحان و يخلص و يطلع ريبورت الداتا فلو بتاعك بتدوس على زرار OPEN FORM في اخر الصفحة في خانة ال Application form دي بدخل فيها كل البيانات تاني و و صورة الجواز و صوره شخصية و بتدفع 200 درهم و بعد كدا بيطلعلك اشعار تقييم Evaluation letter.
وأخيرا الترخيص بيتجدد كل سنة و بيحتاج تاخد عدد 40 ساعة معتمده كل سنه في مؤتمرات او كورسات، والامتحان مش صعب لكن التحدي الاصعب هو ايجاد فرصة العمل لان التنافسية شديدة ومرتبات ال gp قليلة.
تسافر كطبيب أسنان عام ولا تسافر طبيب اسنان أخصائي؟
حاليا وضع مهنة طبيب الأسنان في الامارات أصبحت متشبعة وبالاخص لو انت طبيب أسنان عام علشان كده يفضل تعمل ماجستير قبل ما تسافر علشان فرص الشغل تبقا متاحه ليك بشكل اكبر.
فرص الشغل ك GP فى الامارات؟
مؤخرا بقا فرصة إنك تلاقي شغل ك GP بقت صعبة جدًا والمنافسة بقت عالية جدًا بسبب الاعداد الكبير، ونتيجه لذالك التشبع في السوق بقا قليل جدًا.
فيستحسن تحضر ماجستير الاول قبل ما تسافر علشان تبقا ضامن إنك تلاقي مقابل مادي كويس في مقابل إنك هتتغرب وكمان تبعد نفسك عن الشبة القانون اللي ممكن تجليك لو انتَ GP واشتغلت شغل أخصائي.
حدود التعامل مع الاسنان لو انتَ طبيب اسنان عام؟
مسموح ليك تشتغل:-
- Single root canal treatment
- Single root Extraction
- Class one Compsite restoration
- Scaling
دة الحاجات اللي انتَ تشتغلها بشكل قانونى اي حاجه تانيه تشتغلها هتكون بشكل غير قانوني ولو المريض إشتكي حضرتك ممكن تحصلك مشاكل وتنزلك غرامه.
وفيه حاجه إسمها إمتياز إضافي بيساعدك تشتغل شغل الأخصائي بس بشكل قانوني وتحت اشراف أخصائي، ولازم تكون اشتغلت عدد حالات محترمه في التخصص اللي عايز تاخد في إمتياز إضافي ومعاك log book بالحالات دي.
ما هوا الماجستير المقبول في الامارات؟
لو عايز اي معلومات عن ماجستير في اي دولة هل هوا معترف بية في الامارات ولا لاء، تقدر تشوف الملف ده من الصفحه 53 فيه كل المعلومات الخاصة بالماجستير في كل الدول.
ولكن انا هنا هاتكلم عن الماجستير المصري والزمالة المصرية والزمالة البريطانية بمصر، علشان دول اشهر 3 طرق انك تكون أخصائي وانتَ فى مصر.
مبدأيا الماجستير المصري طالما معترف بية في المجلس الاعلي للجامعات يبقا تقدر تقدم بية كاخصائي في الامارات ولكن مع شوية شروط بسيطه:-
- ان يكون اكتر من 3 سنوات ويكون فية شغل عملي.
- ويكون تخصص عام يعني مينفعش ماجستير زراعه.
- ويكون عندك 3 سنوات خبرة بعد الماجستير.
الزمالة المصرية من اقوي الشهادة حرفيا في الخليج ولكن مشكلتها بتكون في عدد سنوات الدراسة واللي تصل الى 5 سنوات فهذا وقت طويل جدًا، وكمان سنتين خبرة بعد اكمال الزمالة.
الزمالة البريطانية معترف بيها في الامارات سواء m Orth او mpdeo او MRD وتقدر تاخد ترخيص للعمل أخصائي بيها ولكن بشرط ان يكون سنوات الخبرة بعد الزمالة اكتر من 3 سنوات.
رواتب اطباء الاسنان فى الامارات؟
راتب طبيب الاسنان في الامارات بيختلف حسب شهادة الطبيب وخبرة العملية.
- لو الطبيب GP فرينج الراتب هيكون ما بين 7 تلاف الى 15 الف ريال حسب المكان وخبرة الطبيب.
- لو الطبيب لدية شهادة ماجستير فالراتب هيكون ما بين 15 الف الى 30 الف ريال حسب خبرة الطبيب.
فية بعض المراكز بتدي نسبة للطبيب من الدخل مع الراتب، وده بيكون بشكل غير رسمي.
نصائح لسوق العمل في الإمارات؟
السوق متشبع جدا لو انتَ Gp ومفيش فرص عمل لو انتَ خارج الامارات لازم تاخد فيزا وتجي تدور بنفسك وممكن متلاقيك وبرضو فكرة انك تروح تشغل سليز في الادوات الطبيبة مش مجدية ماديا، فرجاءً حضر ماجستير علشان تلاقي عائد مادي كويس.
ولما تيجي تعمل عقد عمل مع عيادة لازم يبقي نفس العقد ده موثق في وزارة العمل والعمال ويبقي مكتوب فيه المرتب الحقيقي اللي هتقبضه فعلاً اخر الشهر.
محدش يعمل عقد غير رسمي مكتوب فيه مرتب قليل، ونسبة لان العقد ده باطل وغير معترف بيه في وزارة العمل والعمال، وطبعاً دكاترة كتيرة بيتاكل فلوسها بالطريقة دي.
لازم كل اتفاق او اي شيئ بينك وبين العيادة لازم تبقي عن طريق e mail والـ documents اللي تتبعت لازم تكون بال Letter Head بتاع العيادة وتكون ممضية و مختومة مينفش الاتفاق الشفوي ده مش بيوكل عيش.
لو اتفقت علي اجازة مع العيادة اللي انت بتشتغل فيها، لازم تكون واخد موافقة بورقة رسمية بالـ Letter head بتاع العيادة او بال e mail الرسمي بتاع العيادة، علشان ممكن يعملك تغيب عن العمل ويبدا يستغلك علشان ميبلغش عنك.
هناك كل دكتور بيشتغل لمريض، لازم يمضي علي العلاج اللي عمله للمريض في الملف بتاعه، فبلاش تمضي علي ملف مريض او علي اي علاج انت معملتوش، علشان ببساطه ممكن تلبس تهمه تجيب اجلك.
لما تيجي تتعين في اي عيادة او مركز لازم تبقي عارف ان بالقانون ان العيادة هي اللي بتتكفل برسوم استخراج رخصة مزاولة المهنة والتأمين الاجباري ورسوم الاقامة والحاجات دي، فمحدش يفهمك ان دي مصاريف المفروض انك تدفعها او تتخصم من مرتبك.
لو حد بيكلمك ان المرتب اللي انت طالبه كبير ويقولك " ليه هو انت بتاخد كام في بلدك " يبقي ردك عليه " اللي ان بطلعه في بلدي متناسب مع مصاريف المعيشة في بلدي زي ما المفروض يحصل هنا كمان.
لو حد قالك ان المرتب اللي انت طالبه ده يجيبلي ٣ دكاترة من الهند او باكستان ، عايزك تعرف حاجتين:-
- اول حاجة ان الدكاترة المصريين معروف انهم مستواهم اعلي من الدكاترة اللي بيشتغلوا هناك و المواطنين الدفيعة بيحبوا يتعالجوا عند المصريين.
- تاني حاجة انك بتتكلم عربي و انجليزي كويس و موضوع اللغة العربية ده مهم قوي لان في ناس كتير لا يجيدوا الانجليزية
واخيرًا مش افضل خيار لطبيب الأسنان يكون موظف في الامارات الا لو عندك شهادة قوية كماجستير او دكتوراة ويكون ليك دخل محترم خصوصا لو عندك اسرة وعايزه تعليم وسكن.
والافضل من الوظيفة انك تملك بيزنس كعياده او شريك في مشروع لان زي ما كلنا عارفين تسهيلات اقامه استمارة في الإمارات سهلة جدا، واخيرًا متنساش تشارك المقال مع اصحابك انا دكتور دينتيست سلام.